Charter Document - 03700180
| Charter Number: | 03700180 |
|---|---|
| Cartulary Title: | Charters of Christ Church Canterbury |
| Charter Language: | English |
| Charter Origin: | Royal |
| Charter Type(s): | Writ |
| Date: | 1052 - 1066 |
| Date type: | Assigned |
| Resource Link(s): |
eSawyer (S 1089) Canterbury Cathedral - Chart. Ant. C.3 |
Charter:
Eadward þurh Godes geuu ængelelandes kining grete ealle mine bisceopes et ealle mine eorles et ealle mine scirgereuan et ealle mine þegenes on þam sciran þe Stigand ærcebiscop et se hyred æt Cristes ciricean on Cantwarebyrig habbað land inne freondlice et ic kyðe eow þæt ic habbe heom geunnon þæt hy byon ealra þare lande wurðe þe hi hæfdon on ealre minre foregænla timan et on minan et saca et socne on strande et on stræme on wudan et on feldan tolnes et theames griðbrices et hamsocne forstealles et infangenes þiofes et flamene feormðe ofer hire agene mænn binnan burgan et butan swa full et swa forð swa mine agene wicneres hit secan scoldan et ofre swa fela þegena swa hi habbað et ic nelle þæt ænig man ænig þing þær on tyo buton hi et hiore wicnaeres þe hi hyt betæcan willað for þan þingan þe ic habbe Criste þas gerihte forgeuen minre sawle to ecere alysednesse et ic nelle geþafian þæt ænig man þis tobrece be minan fullan freondscipe et gif ænig man sy swa dirstig þæt þisne cwide æfre awænde oððe þær to geþwærlæce sy he Iudas gefere þe Crist belæwde et drihten fordo hine a on ecnysse Amen