Charter Document - 03700176
| Charter Number: | 03700176 |
|---|---|
| Cartulary Title: | Charters of Christ Church Canterbury |
| Charter Language: | English |
| Charter Origin: | Religious |
| Charter Type(s): | Will |
| Date: | 1044 - 1053 |
| Date type: | Assigned |
| Resource Link(s): |
eSawyer (S 1535) |
Charter:
Hyer suotelet on þisen ywrite hu Wolgiþ yan hire þing efter hire vorþsiþe þe hire se almigti God yuþe on liue to brukene þet is þanne erest mine lhouerde his rigte heriet and ic yan þet land at Stistede a Godes ywitnesse and mine vrenden into Xpes chereche þa muneken to vostre on þan yrede þet Elfkitel and Kytel mine bearn bruke þas londes hyre dey and seþþen gange þet land into Xpes chereche buten ecchere agentale vor mine saule and vor Elfwines mines hlouerdes and vor alre mine bierne and by hialue þe men vrye efter hire dage and ic yan into þare chereche at Stistede to þan þe ic on liue yuþe Eldemesland and þertohyeken þat þer sy alles vifty ekeres on wode and on velde efter mine forþsiþe and ic yan Wolkitele and Kytele minen sunes þet land at Walsingeham and at Karltune and Herlingham and ic yan minen twam dogtren Gode and Bote Sexlingham and Sumerledetune and into þare chereche at Sumerledetune sixtene eker londes and enne eker med and ic yan Ealgyþe mire dogter þet land at Cheartekere and at Essetesford and þane wde þe ic leyde þerto and ic yan Godwyne eorle and Harold eorle Friþetune and ic yan into Xpes chereche to Xpes weuede ane litlene geldene rode and ane setragel and ic yan seynte Edmunde tueyen ybonede hornes and ic yan Seynte Eþeldrithe ane pellene kertel and ic yan seynte Osythe half pund fees and þe geue mine barnes and ic yan Seynte Austine ane regragel and se þe mine quyde beryaui þe hic nu biqueþen habbe a Godes ywitnesse beryaued he worþe þises erthliche mergþes and ashiregi hine se almigti drigten þe alle shepþe yshop and ywrogte vram alre halegene ymennesse on domesday and sy he bytagt Satane þane diefle and alle his awargede yueren into helle grunde and þer aquelmi mid Godes wiþsaken bute ysuyke and mine irfnumen neuer ne asuenche þisses is to ywitnesse Edward king and manie oþre