Charter Document - 03700172
| Charter Number: | 03700172 |
|---|---|
| Cartulary Title: | Charters of Christ Church Canterbury |
| Charter Language: | English |
| Charter Origin: | Religious |
| Charter Type(s): | Grant |
| Date: | 1048 - 1050 |
| Date type: | Assigned |
| Resource Link(s): |
eSawyer (S 1400) |
Charter:
+ her swutelað on þisum gewrite þæt Eadsi arcebisceop hæfð geunnan Gode et sancte Augustine v æcera landes butan reada gatan et þa mæda wiðutan Wiwergatan þe þarto lið unawendedlice for his sawle on þa forwyrd ðæt þa gebroðra him beon holde on heora gebedum ægþer ge on life ge æfter life swa hy him behatan habbað Nu is ðises to gewitnesse Godwine bisceop on Rofeceastra et Godwine bisceop æt sancte Martine et Godric decanus et eall se hired æt Cristes cyrcean et Leofwine preost et eall se hired on Doferan et Ægelric bicga et Esbearn et Ægelwine Ælfelmes sunu et Þurgar et Eadric æt Æþelham et Eadwine þæs arcebisceopes broðor et Ælfwine se reada et Godric æt Burnan et Ælfred et his broðor Gyldewine et seo burwara eall on Cantwarabyrig et þarto manig god mann ægðer ge binnan byrig ge buton Nu synd ðissa gewrita twa an is æt Cristes cyrcean oþer æt sancte Augustine