Charter Document - 03700166
| Charter Number: | 03700166 |
|---|---|
| Cartulary Title: | Charters of Christ Church Canterbury |
| Charter Language: | English |
| Charter Origin: | Religious |
| Charter Type(s): | Bequest |
| Date: | 1042 - 1043 |
| Date type: | Assigned |
| Resource Link(s): |
eSawyer (S 1530) Canterbury Cathedral - Chart. Ant. C.70 |
Charter:
+ Her cyð on þisan gewritu þæt Þurstan geann þæs landes æt Wimbisc into christes cyrcean for his sawle et for Leofware et for Æþelgyðe þam hirede to fostre æfter Þurstanes dæge et æfter Æðelgyþe et ælcon geare an pund to fulre sutelunge þa hwile þe we libban et gelæste se hired æt christes cyrcean swa hwæder swa he wille þam hirede into sancte Augustine þe twelf pund be getale oððe twa hida Þis syndon þa gewitnysse þæs cwydes Eadwerd kyncg et Ælfgifu seo hlæfdige et Eadsige arcebiscop et Godwine eorl et Leofric eorl et Ælfwærd biscop on Lundene et Ælfwine biscop on Winceastre et Stigand preost et Eadwold preost et Leofcild scirgerefa et Osulf Fila et Ufic et Ælfwine Wulfredes sunu et Ælfric Wihtgares sunu et ealle þa þegenas on Eastsexan et beon heora menn frige æfter heora beira dæge et na stinge nan mann æfter heora dæge on þæt land buton se hired æt christes circean et yrfan hi swa hi wyrðe witan et þissera gewritu syndan þreo an is æt christes cyrcean oþer æt sancte Augustine et þridde biþ mid heom sylfan