Charter Document - 03700162
| Charter Number: | 03700162 |
|---|---|
| Cartulary Title: | Charters of Christ Church Canterbury |
| Charter Language: | English |
| Charter Origin: | Religious |
| Charter Type(s): | Agreement |
| Date: | 1020 - 1038 |
| Date type: | Assigned |
| Resource Link(s): |
eSawyer (S 1464) Lambeth Palace Library - MS1370 (f115r) |
Charter:
+ her swuteliað on ðisse Cristes bec Æþelnoðes arcebisceop forword et Tokiges embe þæt land æt Healtune þæt wæs þæt Tokig com to Hrisbeorgan to ðam arcebisceop syþþan Æðelflæd his wif forðfaren wæs et cydde him Wulfnoðes cwyde þæt he þæt land becweden hæfde into Cristes cyrcean æfter his daege et his wifes et bæd þone arcebisceop þæt he þæt land habban moste his dæg et æfter his daege þæt hit lage into Cristes cyrcean mid eallum þingum þe he þæron getilian mihte unbesacen et cwæð þæt he wolde þam bisceop þances kepan et his mannum et se arcebisceop him þæs tiðude et sæde þæt he riht wið hine gedon hæfde þæt he sylf him for ðam cwyde secgean wolde þeh he hit ær ful georne wiste et ðises wæs to gewitnysse Æþelstan æt Bleddehlæwe et Leofwine his sunu et Leofric æt Eaningadene et feala oðra godra cnihta þeh we hi ealle ne nemnon et eall ðæs arcebiscopes hired ge gehadude ge læwede