Charter Document - 03700154
| Charter Number: | 03700154 |
|---|---|
| Cartulary Title: | Charters of Christ Church Canterbury |
| Charter Language: | English |
| Charter Origin: | Royal |
| Charter Type(s): | Grant |
| Date: | 1035 |
| Date type: | Assigned |
| Resource Link(s): |
eSawyer (S 981) |
Charter:
Her geswutelað on þisum gewrite þæt Cnut kynig læt þæt land æt Folkenstane into Cristes cyrcean on Cantwarabirig þa Eadsi his preost gecyrde þiderin to munuce to þam forewearde þæt Eadsi munuc hit habbe his lyfes timan for his gehyrsumnisse þe he him wel gehyrde And he hit ne mæg naðor ne gyfen ne syllan ne forspekan ne forspillan ut of þam halgan mynstre Ac æfter his dæge ga þæt land þam hyrede on hand þe þonne Criste þeniað innan þam mynstre mid sake et mid socne et mid eallon þam þingon þe þær fyrmest tolæg forþamþe his witan him sædan þæt hit hwilon ær læg þiderin on Æðelstanes dæge kyninges et on Odan arcebiscopes et hit wearð syððan ut gedon mid mycelan unrihte Nu geuðe he þis land into Cristes cyrcean his sawle to ecere alysednisse And gyf ænig sy swa dyrstig ongæn God þæt þis awændan wille awænde hine God ælmihtig fram heofene[rice]s myrcðe into helle grunde buton he ær his ænde hit þe deopper gebete Ðis wæs gedon innon Suðrie on Kyngestune on þone halgan dæg pentecosten And þises wæs to gewitnesse Ælfgyua Imma seo hlæfdige et Ægelnoð arcebiscop et Ælfwine biscop on Lundene et Ælfsi biscop on Winceastre et Ægelric biscop on Suðsexan et Ælmær abbud æt sancte Augustine et Wulnoð abbud æt Westminstre et Ælfwine abbud æt Niwan Mynstre et Wulfsi abbot æt Certesige And Ulf eorl et Eglaf eorl et Lyfwine eorl et Harold eorl et Yric eorl et Þored steallara et Agamund et Osgod Clapa et Tofig et Ægelwine Ælfhelmes sunu et Siword æt Cilleham et Ægelric bigga et Ælfword se Kæntisca et Eadmer æt Burhham et ealle þæs kynges rædgyfan gehaðode et læwede þe þær gesamnod wæron And þissera gewrita synd þreo an is innon Cristes cyrcean et oðer æt sancte Augustine et þæt þridde is inne mid þæs kynges haligdome