Charter Document - 03700145
| Charter Number: | 03700145 |
|---|---|
| Cartulary Title: | Charters of Christ Church Canterbury |
| Charter Language: | English |
| Charter Origin: | Royal |
| Charter Type(s): | Confirmation |
| Date: | 1017 - 1020 |
| Date type: | Assigned |
| Resource Link(s): |
eSawyer (S 985) |
Charter:
Cnut cing gret Lyfing arcebiscop et Godwine biscop et Ælmær abbot et æþelwine scirman et æþelric et ealle mine þegnas twelfhynde et twihynde freondlice et ic cyðe eow þæt se arcebiscop spæc to me ymbe Cristes cyrcean freols þæt heo hæfð nu læsse munde þonne hio hwilan ær hæfde þa lyfde ic him þæt he moste niwne freols settan on minan naman þa cwæð he to me þæt he freolsas genoge hæfde gyf hi aht forstodan þa nam ic me sylf þa freolsas et gelede hi uppan Cristes agen weofod on þæs arcebiscop gewitnysse et on þurkilles eorles et on manegra goddra manna þe me mid wæron to ðan ylcan foreweardan þe hit æþelbyrht cing gefreode et ealle mine foregencgan þæt næfre nan man ne sy swa dyrsti sy he gehadod sy he læwode þæt ænig þara þinga gelytlie þe on ðam freolse stænt Gyf hit hwa þænne do sy his lif her gescert et his wunung on helle grunde butan he hit þe stiðlicor gebete ær his ænde be þæs arcebiscopes tæcincge