Charter Document - 03700127
| Charter Number: | 03700127 |
|---|---|
| Cartulary Title: | Charters of Christ Church Canterbury |
| Charter Language: | Latin, English |
| Charter Origin: | Religious |
| Charter Type(s): | Grant |
| Date: | 0964 |
| Date type: | Internal, A.D. |
| Resource Link(s): |
eSawyer (S 1204a) |
Charter:
+ Orate pro Ceolheard pr Niclas et Ealhhun et Wulfhelm aurifex + In nomine Domini nostri Jhesu Christi Ic Aelfred aldormon et Werburg min gefera begetan ðas bec æt haeðnum herge mid uncre claene feo ðæt ðonne wæs mid clæne golde et ðæt wit deodan for Godes lufan et for uncre saule ðearf[e] ond for ðon ðe wit nolðan ðæt ðas halgan beoc lencg in ðære haeðenesse wunaden et nu willað heo gesellan inn to Cristes circan Gode to lofe et to wuldre et to weorðunga et his ðrowunga to ðoncunga et ðæm godcundan geferscipe to brucen[ne] ðe in Cristes circan dæghwæmlice Godes lof rærað to ðæm gerade dæt heo mon arede eghwelce monaðe for Aelfred et for Werburge et for Alhðryðe heora saulum to ecum lecedome ða hwile ðe God gesegen haebbe ðæt fulwiht æt ðeosse stowe beon mote Ec swelce ic Aelfred dux et Werburg biddað et halsiað on Godes almaehtiges noman et on allra his haligra ðæt nænig mon seo to ðon gedyrstig ðætte ðas halgan beoc aselle oððe aðeoðe from Cristes circan ða hwile ðe fulwiht stondan mote Aelfre[d] Werbur[g] Alhðryð eorum [filia]