Charter Document - 03700121
| Charter Number: | 03700121 |
|---|---|
| Cartulary Title: | Charters of Christ Church Canterbury |
| Charter Language: | English |
| Charter Origin: | Religious |
| Charter Type(s): | Bequest |
| Date: | 0941 - 0958 |
| Date type: | Assigned |
| Resource Link(s): |
eSawyer (S 1506) |
Charter:
[Þis i]s seo gerednæs þe Eadric hæfð wið ðane hired to Cristes cirican þæt is ðonne ðæt Eadric gesealde ðan hirede to gerisenum V pund twa ðæm ældæstum et ðreo eallum hirede an þæt gerad þæt he hebbe land mid fullre unnan ælde et gegeðe mid eallæn ðan netwyrðan ðingum lessan et maran ðe to ðæm lande belimppað unbesprecæn wið æghwylcne lifes man + Þis is Æðelwyrdæs cwide mid geðæhte Odan ærcebisscopæs et ðæs hioredæs æt Cristæs cirican þæt is ðonne þæt Æðelwyrd bruce ðæs landæs on Geocham his dæg on freodome be Godes leafe et be ðæs ærcebisscopæs et be ðæs heoredæs ðonne yftær his dæge Eadric gif he libbe his dæg wið ðon gofole ðe hit gecwedæn is ðæt sint V pund et ælce gære æne dæg feorme In hiowum þæt is ðonne XL sæstra ealað LX hlafa weðær et flicce et an hriðres læuw II cesas IIII hæn fugulas et V pænningas to beðe et ðis sio gelæst to sancte Michaelæs tide et bio he ælces wites wyrðe et gif hwilc forwyrht man hiowan gesæce bio se ðingað swa hit medlic sia be ðæs geltes meðe sideways comma Gif hit ðonne gebærige ðæt Æðelwyrd læng libbe ðone Eadric ðonne fo Æðelgifu to wið ðan ilcan gofole ðe hit hær beufan gecwedæn is hire dæg gif hit þonne geberige ðæt Æðelwyrd læng libbe ðone Eadric oððe Æðelgifu et he ða unætnessa gebidan scel agefe man land et boc in yfter his dæge In mid him selfum for hine et for ða ðe him land fram com Ðisæs is Oda ærcebisscop gewita et Byrhtere mæsse preost Cænwig mæsse preost Wealdred mæsse preost Sigefreð diacon Osweald diacon Freðegod diacon Sigered diacon Heared diacon Sired preost Byrhtmund Eadsige Eadelm Byrhtsige Æðelm Byrhtsige Byrhtwig Liofric Sielm Wulfred Cænric Eadweard Ðisæs wes gewita Eadelm abbod æt sancte Agustine et Byrhtsige diacon Æorlebyrht mæsse preost Roðin mæsse preost Bærhtram mæsse Beornmund preost et ða IIIo Ælfstanas Æðelweald Eadmund Wenelm Cynsige Eadric Liofing Eadsige Wulfelm Sigefreð Liofric Liofstan Eadstan Eadmund [] stan cynges ðægen Byrhtric Wyhtgar Wulfstan et ða III geferscipas Innanburwara et utanburhwara et micle mættan