Charter Document - 03700096

+ Xs Ic Elfred dux hatu writan et cyðan an ðissum gewrite Elfrede regi et allum his weotum et geweotan et ec swylce minum megum et minum gefeorum þa mEn þe ic mines Erfes et mines boclondes seolest onn ðEt is þonne Werburg min wif et uncer gemene bearn þæt is þonne et Erestan an Sondenstede et on Selesdune xxxii hida et on Westarham xx hida et on Cloppaham xxx hida et on Leangafelda vi hida et on HorsalEge x hida et on Netelamstyde vi hida Ic Elfred dux sello Werburge et Alhdryðe uncum gemenum bearne æfter minum dege þas lond mid cwice Erfe et mid earðe et mid allum ðingum ðe to londum belimpað et twa þusendu swina ic heom sello mid þem londum gif hio hio gehaldeð mid þare clEnnisse þe uncer wordgecweodu seondan et hio gebrenge Et Sancte Petre min twa wergeld gif ðet Godes willa seo þEt heo þæt fEreld age Ond Efter Werburge dEge seo Alhðryðe þa lond unbefliten on Sondemstyde et on Selesdune et on Leangafelda Ond gif heo bearn hEbbe feo ðEt bearn to ðEm londum Efter hire gif heo bearn nEbbe feo ðonne an hire rehtfEderen sio neste hond to þem londe ond to ðem Erfe et swa hwylc minra fEdrenmega swa ðEt sio þæt hine to ðan gehagige þæt he þa oðoro lond begeotan mEge et wille þonne gebygcge he þa lond Et hire mid halfe weorðe Ond swe hwylc mon swa ðEt sio þEt ðes londes bruce ofer minne dEg on Cloppaham þanne geselle he cc peninga Eghwylce gere to Ceortesege for Elfredes sawle to feormfultume Ond ic sello Eðelwalde minum sunu iii hida boclondes ii hida on HwEtedune [ane]s hides an Gatatune et him sello þerto c swina et gif se cyning him geunnan wille þEs folclondes to ðEm boclonde þonne hEbbe he et bruce gif hit þEt ne sio þonne selle hio him swa hwaðer swa hio wille swa ðEt lond an Horsalege swa ðEt an Leangafelda Ond ic sello Berhtsige minum mege an hide boclondes on LEncanfelda et þerto c swina et geselle hio c swina to Cristes cirican for me et fer mine sawle et c to Ceortesege et þone oferEcan mon gedEle gind mynsterhamas to Godes ciricum in Suþregum et in CEnt þa hwile þe hio lestan willEn Ond ic sello Sigewulfe minum mege ofer Werburge dEg þEt lond an Netelhæmstyde ond Sigulf geselle of ðem londe c pEninga to Cristes cirican ond eghwylc þara Erfewearda þe Efter him to ðEm londe foe þonne ageofen hio þa ilcan elmessan to Cristes cirican for Elfredes sawle þa hwile þe fulwiht sio et hit man on ðEm londe begeotan mege Ond ic sello Eadrede minum mege þet lond on Fearnlege Efter Eðelredes dEge gif he hit to him geearnian wile et he geselle of ðem londe xxx omb[ras] cornes Eghwelce gere to Hrofescestre ond sio ðis lond gewriten et unbefliten Efter Eadredes dege in Aelfredes rehtmeodrencynn ða hwile þe fulwihte sio on Angelcynnes ealonde Ðeos foresprec et þas gewriotu þe herbeufan awreotene stondað ic Ælfred willio et wille þæt hio sion soðfEstlice forðweard getrymed me et minum Erfeweardum Gif ðEt ðonne God ællmEhtig geteod habbe ond me þEt on lene gelið þEt me gesibbra Erfeweard forðcymeð wepnedhades et acEnned weorðeð ðanne ann ic ðEm ofer minne dEg alles mines Erfes to brucenne swa him leofust sio And swa hwylc mon swa ðas god et þas geofe et þas gewrioto et þas word mid rehte haldan wille ond gelEstan gehalde hine heofones cyning in þissum life ondwardum et eac swa in þEm towardan life ond swa hwylc mon swa hio wonie et breoce gewonie him God almahtig his weorldare[]f ond eac swa his sawle are in eona eonum + Her sindon ðæra manna naman awritene ðe ðeosse wisan geweotan sindon + Ic Æðered arcebisceop mid ðære halgan Cristes rode tacne ðas word et ðas wisan fEstnie et write + Ælfred dux + Beorhtwulf dux + Beornhelm abbas + Earduulf abbas + Wærburg + Sigfreð pr + Beonheah pr + Beagstan pr + Wulfheah + Æðelwulf pr + Eardullf pr + Beornoð diaconus + Wealdhelm diaconus + Wine subdiaconus + Sæfreð + Ceolmund m + Eadmund m + Eadwald m + Siguulf m