Charter Document - 03700095
| Charter Number: | 03700095 |
|---|---|
| Cartulary Title: | Charters of Christ Church Canterbury |
| Charter Language: | English |
| Charter Origin: | Religious |
| Charter Type(s): | Agreement |
| Date: | 0870 - 0888 |
| Date type: | Assigned |
| Resource Link(s): |
eSawyer (S 1202) |
Charter:
+ In nomine Domini Ic Ælfred dux et Æðered archiepiscopus et ða higan æt Cristes cirican habbað ðas wisan areded ymb ðet land an Certham ðet is ðonne ðet Elfred efter his daege hæfð becweden ðet land an Certham inn ðam higum to agenre æhte et gif ðet sio ðet higan ðæs landes ænigem mænn unnan willen buton him sevlfum ðonne sellen hio hit Ælfredes bearne oðða his mæga swelcum swa his willie an ða gerad ðe he wið higan aræde swæ an feoh swae an feorme swæðer he abiddan mæge et se arcepiscop selð Ælfrede ðæt land æt Crogdene his dagas to brucenne et ðonne Ælfrede forðsið gebyrge et his bearn ðæs landes beðirfe ðonne begete hio land gif hio mæge æt swelcum hlafarde swæ ðær ðonne sio et æt higum et gif æniman aht eft sacie ymb ðæt land an Certham ðonne hæfð Ælfred gehaldene Herewinne an æghwelcre wihte ðæs ðe hio an geworden wæs ðæs ðe hio sevlf geðafigan wolde et ðæt wæs an byrg gereht beforan ðæm weotum ðe hevro noman here benevðan awritene sindon Ædred archiepiscopus Ædelwald dux Ælfred dux Bihornhelm abbas Earduulf abbas Ciolmund Siguulf Eadmund et eall higan