Charter Document - 03690084
| Charter Number: | 03690084 |
|---|---|
| Cartulary Title: | Charters of Christ Church Canterbury |
| Charter Language: | English |
| Charter Origin: | Religious |
| Charter Type(s): | Grant |
| Date: | 0843 - 0863 |
| Date type: | Assigned |
| Resource Link(s): |
Anglo Saxon Charters (S 1197) British Library - Cotton MS Augustus II 92 (f1r) eSawyer (S 1197) |
Charter:
+ Ic Lufa mid Godes gefe ancilla Dei wes soecende et smeagende ymb mine saulðearfe mid Ceolnoðes ærcebiscopes geðeahte et ðara hiona et Cristes cirican Willa ic gesellan of ðem ærfe ðe me God forgef et mine friond to gefultemedan Elce gere lx ambra maltes et cl hlafa l hwitehlafa cxx elmeshlafes an hriðer an suin iiii weðras ii wEge spices et ceses ðem higum to Cristes circcan for mine saule et minra frionda et mega ðe me to gode gefultemedan et ðEt sie simle to adsumsio Scæ Marie ymb xii monað End sue eihwelc mon swe ðis lond hebbe minra ærbenumena ðis agefe et mittan fulne huniges x goes xx henfuglas + Ic Ceolnoð mid Godes gefe ercebiscop mid Cristes rode tacne ðis festnie et write + Beagmund preost geðafie et mid write + Beornfrið preost geðafie et mid write + Wealhhere preost + Osmund preost + Deimund preost + Æðelwald diacon + Werbald diacon + Siferð diacon + Swiðberht diacon + Beornheah diacon + Æðelmund diacon + Wighelm diacon + Lubo + [] + Ic Luba eaðmod Godes ðiwen ðas forecwedenan god et ðas elmessan gesette et gefestnie ob minem erfelande et Mundlingham ðem hiium to Cristes cirican et ic bidde et an Godes libgendes naman bebiade ðæm men ðe ðis land et ðis erbe hebbe et Mundlingham ðet he ðas god forðleste oð wiaralde ende Se man se ðis healdan wille et lesten ðet ic beboden hebbe an ðisem gewrite se him seald et gehealden sia hiabenlice bledsung Se his ferwerne oððe hit agele se him seald et gehealden helle wite bute he to fulre bote gecerran wille Gode et mannum Uene ualete