Charter Document - 03680021
| Charter Number: | 03680021 |
|---|---|
| Cartulary Title: | Charters of Northern Houses |
| Charter Language: | English |
| Charter Origin: | Religious |
| Charter Type(s): | Writ |
| Date: | 1041 - 1064 |
| Date type: | Assigned |
| Resource Link(s): |
Anglo Saxon Charters (S 1243) eSawyer (S 1243) |
Charter:
Gospatrik greot ealle mine wassenas et hyylkun mann freo et ðrenge þeo woonnan on eallun þam landann þeo weoron Combres et eallun mine kynling freondlycc et ic cyðe eoy þæt myne mynna is et full leof þæt Thorfynn mac Thore beo swa freo on eallan ðynges þeo beo myne on Alnerdall swa ænyg mann beo oðer ic oðer ænyg myne wassenas on weald on freyð on heyninga et æt ællun ðyngan þeo by eorðe boenand et ðeoronðer to Shauk to Wafyr to poll Waðoen to bek Troyte et þeo weald æt Caldebek et ic wille þæt þeo mann bydann mið Thorfynn æt Carðeu et Combeðeyfoch beo swa freals myð hem swa Melmor et Thore et Sygoolf weoron on Eadread dagan et ne beo neann mann swa ðeorif þehat mið þæt ic heobbe gegyfene to hem neghar brech seo gyrth ðyylc Eorl Syward et ic hebbe getyðet hem se frelycc swa ænyg mann leofand þeo welkynn ðeoronðer et loc hyylkun by þar byðann geyldfreo beo swa ic by et swa Willann Wallðeof et Wygande et Wyberth et Gamell et Kunyth et eallun mine kynling et wassenas et ic wille þæt Thorfynn heobbe soc et sac toll et theam ofer eallun þam landan on Carðeu et on Combedeyfoch þæt weoron gyfene Thore on Moryn dagan freols myð bode et wytnesmann on þy ylk stow