Charter Document - 03680012
| Charter Number: | 03680012 |
|---|---|
| Cartulary Title: | Charters of Northern Houses |
| Charter Language: | English |
| Charter Origin: | Royal |
| Charter Type(s): | Grant |
| Date: | 0925 - 0939 |
| Date type: | Assigned |
| Resource Link(s): |
eSawyer (S 451) |
Charter:
Þat witen alle þat ever been Þat þis Chartre heren and seen Þat I þe kinge Adelstan Has yaten and given to seint John Of Beuerlik þat sai I þow Tol and Theam þat wit ye now Sok and Sak ouer al þat land Þat es giuen in to his hand On euer ilk kinges dai Be it all free þan and ay Be it almousend be all fre Wit ilk man and eek wit me Þat wil i [be him þat me scop] Bot til an Ercebiscop And til þe seuen minstre Prestes Þat serues God þar saint John restes Þat give i God and saint John Her befor you euerilkan All my hest corn iueldeel To uphald his ministre weel Þa four Threue [be heuen kinge] Of ilk a plowgh of Estriding If it swa betid or swa gaas Þat ani man her again taas Be he baron be he erle Clark Prest Person or Cherel Na be he na þat ilk Gome I will forsooþe þat he come Þat wit ye weel or and or Til saint John mynstre dor And þar i will [swo Crist me red] Þat he bet his misded Or he be cursed son on on Wit al þat seruis saint John Yif hit swa betid and swa es Þat þe man in mansing es I sai yow ouer fourti daghes Swilk þan be sain John laghes Þat þe Chapitel of Beuerlik Til þe Schirref of Euerwik Send þair writ son on an Þat þis mansedman betan Þe Schirref þan say i þe Wit outen ani writ oue me Sal nimen him [swo Crist me red] And in to my prison lede And hald him [þat is mi wilt] Til he bet his misgilt If men reises newe Laghes In ani oþer kinges daghes Be þay fromed be þai yemed Wit þham of þe Minstre demed Þe mercy of þe misded Gif i saint John [swo Crist me red] Yif man be cald of limes or lif Or men chalenges land in strif Wit my bodlaik wit writ of right Y wil saint John haue þe might Þat man þar for noght fight in feeld Nowþer wit staf no wit sheeld Bot Twelue men wil I þat it telle Swo sal it be swo heer ibelle And he þat him swo wer ne may Ouercomen be he euer and ay Als he in feld war ouercomen Þe Crauantise of him be nomen Þat þat i God and saint John Her befor iow euer ilkon Yif man be founden slan dronkend Sterued on sain Johan rike His aghen men withouten swike His aghen bailiffs make þe sight Nan oþer Coroner haue þe might Swa mikel fredom giue i ye Swa hert may think or eghe see Þat haue I thought and forbiseen I will þat þar euer been Samening and mynstre lif Last follik wit outen strif God help alle þas ilk men Þat helpes to þe thowen Amen That witten all that euer beene That this charter hearen et seene That I the king Adelstan Has giuen and yatten to St John Of Beuerley that say I yow Toll et Theam that witt ye now Soke and Sacke ouer all that land That is giuen into his hand On euer ilke kings day Be it all free thand and aye Be it almousend be it all free With ilke man and eke with mee That wilt be him that me scop But till an Arcebiscop And till the seauen minister priests That serues God ther Saint John rests All my hest corne and meldrell Too vphold his Minister weell They fower threaue by Heauen kinge Of ilke a plough of Eastriddinge If it swa betide or swa gaes That any man here againe saes Be he Baron be he Earle Clarke Priest Parson or Cherle Na be he na þatilk gome I will forsay that he come [That witt yee weell ore and ore] Til Saint John Minster dore And ther I will so Christ mee reed That he bet his misdeed Or he be cursed soone anon With all that serues St John If it swa betide and swa is That the man sings is [I say you] ouer forty daghes Whilke than be Saint John laghes That the chapitell of Beuerlike Till the Sheriffe of Euerwike Send ther writt soone anan That his manser man be tan The Sheriffe that say I yee Withouten any writt on mee Sall nemen him [swa Christ mee reed] And into my prison leed And hold him that is my wilt Till he bet his misgilt If men raises new laghes In any other kings daghes Be they formed be they yemed Witt hem of the mynster demed The mercy of the misdeed Giffe I Saint John so Christ mee reed If man be calde of lyme or liffe Or men challenges land in strife With my God lake with writt of right I will Saint John haue the might That man therefore nought fight in feild Nowther with staffe no with sheild But twelue men will I that it tell Swa sall ther be swa here well And he that him so werne may Ouercomen be He euer and aye Als he in feild war ouercomen The Crauentise of him he iou men That hat I God and St John Gere before now euer ilke me If man be founden Dronken Sterued on St Johns Rike His aghen men with outen whilke His aghen Baliffes makes the sight Nane other Coroner haue the might Swa michell freedome giffe I yee Swa harte may thinke or eghe can see That haue I thought and for by seene I will that ther euer beene Saynenynge and minister life Last for euer without strife God helpe all those ilke men That helps to the Thowen Amen Þat witen alle þat ever been Þat þis charter heren and seen Þat I þe king Adelstan Has yaten and given to seint John Of Beverlike þat sai I þow Tol and theam þat wit ye now Sok and sake over al þat land þat es given into his hand On ever ilke kinges dai Be it all free þan and ay Be it almousend be all free Wit ilke man and eeke wit mee Þat wil i [be him þat me scop] Bot til an ercebiscop And til þe seven minstre prestes þat serves God ther saint John restes Þat give i God and seint John Her befor you ever ilkan All my herst corn ineldeel To uphald his ministre weell Þa four threve [be heven kinge] Of ilka plough of estriding If it swa betid or swa gaas Þat ani man her again taas Be he baron be he erle Clark prest parson or cherel Na be he na þat ilk Gome I will forsaye þat he come [Þat wit ye weel or and or] Til saint John mynstre dor And þar i will [swo Crist me red] Þat he bet his misded Or he be cursed son on on Wit al þat servis saint John Yif hit swa betid and swa es Þat þe man in mansing es I sai yow over sourti daghes [Swilke þan be sain John laghes] Þat þe chapitel of Beverlike Til þe scirif of Everwike Send þair writ son onan Þat þis mansedman betan Þe scirref þan say i þe Witouten any writ one me Sal minen him [swo Crist me red] And into my prison lede And hald him [þat is mi wilt] Til he bet his misgilt If men reises newe laghes In any oþer kinges daghes Be þay fromed be þay yemed Wit þham of mynstre demed Þe mercy of þe misdeed Gif i saint John swo Crist me red Yif man be cald of limes or lif Or men chalenges land in strif Wit my bodlaik wit writ of right Y wil saint John have þe might Þat man þar for noght fight in feeld Now þer wit staf no wit sheeld Bot twelve men wil i þat it telle Swo sal it be swo heer ibelle And he þat him swo werne may Overcomen be he ever and ay Als he in feld war overcomen Þe cravantise of him be nomen Þat þat i God and saint John Her befor iow ever ilkon If man be founden slan idrunkend Sterved on sain John rike His aghen men withouten swike His aghen bailiffs make þe fight Nan oþer coroner have þe might Swa mikel fredom give i ye Swa hert may think or eghe see Þat have I thought and forbiseen I will þat þer ever been Samening and mynstre lif Last follike witouten strif God help alle thas ilk men Þat helpes to þe thowen Amen