Charter Document - 03671032
| Charter Number: | 03671032 |
|---|---|
| Cartulary Title: | The Register of Bishop Quivel. |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1164 - 1181 |
| Date type: | Assigned |
| Resource Link(s): |
Reference Document for this Embedded Document |
Charter:
Universis Sancte Matris Ecclesie filiis presentem Paginam inspecturis Bartholomeus Dei gracia Exoniensis Episcopus salutem in Domino Noveritis quod nos Monasterii de Tavistoke pensata paupertate et dilectorum filiorum Herberti permissione Divina Abbatis et Conventus predicti peticione salubri ponderata Capituli nostri legitimo accedente consensu Ecclesiam Sancti Eustachii de Tavistoke Ecclesiam Sancti Petri de Lamertone Ecclesiam Sanctorum Constantini et Egidii de Middeltone Ecclesiam Sancti Paterni de Northpiderwyne Ecclesiam Sancti Johannis de Hatherleghe Ecclesiam Sancte Elene de Abbedessham Ecclesiam Sancti Michaelis de Rupe cum omnibus pertinenciis suis prout Scripta Predeccesorum nostrorum super hiis confecta plenius testantur predicto Monasterio et Monachis ibidem Deo servientibus Divine Caritatis intuitu damus appropriamus et presenti Scripto in perpetuam rei memoriam confirmamus