Charter Document - 03671012

In Nomine Domini Amen Anno Nativitatis Ejusdem MCCLXXXIIIJ Indiccione xij Nonas Julii Pontificatus Domini Martini Pape iiij Anno Quarto in presencia mei Notarii et Testium subscriptorum ad hoc specialiter vocatorum et rogatorum Reverendus Pater Dominus Petrus Dei gracia Exoniensis Episcopus attendens et considerans [dispendia] animarum que ex defectu Penitenciarii quo sua carebat Exoniensis Ecclesia proveniebant pro tempore ac poterant provenire volensque eciam suam Exoniensem Ecclesiam aliis Ecclesiis Cathedralibus Regni Anglie conformare habito sollempni et diligenti tractatu cum suo Exoniensi Capitulo Canonicisque ipsius Exoniensis Ecclesie legitime prout decuit convocatis de expresso consensu et assensu ipsius Capituli Ecclesiam de Egglosheil in Cornubia vacantem per mortem bone memorie Magistri Johannis de Esse quondam Archidiaconi Cornubie et ad Collacionem ipsius Domini Episcopi spectantem que eciam Ecclesia de patronatu ipsius Domini Episcopi existebat Prebende discreti viri Domini Willelmi de Bisimano quam in dicta Exoniensi Ecclesia obtinebat legitime et canonice annexit et appropriavit statuens nihilominus et decernens ut quicumque Canonicus Exoniensis de cetero dictam habuerit Prebendam Penitenciarius Episcopi nominetur ac onus Penitenciarie subportet necnon in dicta Exoniensi Ecclesia per duas partes anni continue vel interpolatim residenciam faciat personalem ac semel in anno per Dioecesim Exoniensem discurrat ut infirmi qui ad Civitatem non possunt accedere ab eo animarum suarum remedium recipiant salutare et quod tanquam residens per mensem plene completum priusquam ut premittitur per Dioecesim ipeam discurrere ceperit cotidianas distribuciones recipiat ac pro residente per ipsum mensem in dicta Exoniensi Ecclesia habeatur Insuper volens statuens ac expresse decernens de sui Exoniensis Capituli ut superius est expressum consersu expresso pariter et assensu prefatus Dominus Episcopus quod Penitenciarius qui pro tempore in eadem Exoniensi Ecclesia fuerit primam vocem post Personas in ipsa Exoniensi Ecclesia Dignitates seu Personatus habentes in Eleccionibus Episcoporum et Decanorum in Capitulo ac in omnibus aliis et singulis tractatibus ipsius Ecclesie optineat et habeat ac eciam quod primum locum post dictas Personas in processionibus habeat nihilominus statuendo ac eciam discernendo et expresse ordinando quod ipai Penitenciarie nulla cura penitus sit annexa et quod Officium dum Decanus in ipsa Exoniensi Ecclesia presens non fuerit exerceat Subdecani Post hec autem omnia prefatus Reverendus Pater propriis manibus in tercio stallo Chori dicte Exoniensis Ecclesie a parte dextera post stallum Decani juxta ipsius Ecclesie Archidiaconum prefatum Dominum Willelmum tanquam Penitenciarium suum et sue Exoniensis Ecclesie legitime et canonice instillavit necnon eciam et Procuratorem legitimum discreti viri Magistri Stephani de Grindeham cui Prebendam que in Exoniensi Ecclesia per mortem Magistri Johannis de Esse vacabat ad suam Collacionem spectantem contulerat nomine ipsius Magistri Stephuni juxta Statuta et Consuetudines ipsius Exonie Ecclesie prout decuit canonice installando per instaurationem hujusmodi alicui prejudicium facere non intendens