Charter Document - 03671006
| Charter Number: | 03671006 |
|---|---|
| Cartulary Title: | The Register of Bishop Quivel. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1188 - 1191 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus fidelibus ad quos presens Scriptura pervenerit Frater J[ohellus] dictus Prior Plymptonie et totus ejusdem Ecclesie Conventus salutem in Domino Noverit Universitas vestra quod cum controversia inter nos et Johannem Sor super Advocacione Ecclesie Sancti Justi coram Justiciariis Domini Regis diucius fuisset agitata tandem Justiciariis consencientibus hoc fine sopita est Concessimus scilicet quod prefatus Johannes et heredes sui de cetero clericum idoneum quemcumque voluerint nobis et Successoribus nostris presentabunt et postea nos simul cum ipso Johanne vel heredibus suis eundem clericum Dioecesano Episcopo vel ejus Officialibus presentabimus accepta prius ab eodem clerico caucione juratoria quod ipee annuatim fideliter solvet nobis et Ecclesie nostre de Plymptonia unam marcam argenti de predicta Ecclesia Sancti Justi ad Festum Sancti Michaelis post decessum scilicet Aluredi presbiteri tunc ejusdem Ecclesie Vicarii quamdiu enim ille Aluredus vixerit clericus presentatus dimidiam marcam solvet nobis ad eundem Terminum annuatim Preterea jam dictus Johannes fide mediante et heredes sui tenentur quod ipse Johannes vel heredes sui nullum clericum ad sepe dictam Ecclesiam Sancti Justi poterunt presentare nisi quilibet presentatus idoneam caucionem prestiterit quod ipse annuatim solvet quiete nobis et Successoribus nostris inperpetuum predictam marcam argenti ad supradictum Terminum Sancti Michaelis