Charter Document - 03670039
| Charter Number: | 03670039 |
|---|---|
| Cartulary Title: | The Register of Bishop Quivel. |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1286 |
| Date type: | Internal, A.D., Calendar, Episcopal |
| Resource Link(s): |
|
Charter:
Prudentibus viris et discretis illustris Regis Anglie Justicariis ac Domino Willelmo de Hameldone Domini Regis Vicecancellario Frater Johannes permissione Divina Cantuariensis Ecclesie Minister humilis tocius Anglie Primas salutem et graciam Salvatoris Insinuante nobis Magistro Ricardo de Langeforde Rectore Ecclesie de Taletone Exoniensis Dioecesis nuper intelleximus quod Venerabilis Frater Petrus Dei gracia Exoniensis Episcopus in ipsum Ricardum et Dominos Rogerum de Langeforde Humfredum de Bello Campo Simonem de Monte Acuto Gervasium de Raleghe Milites Magistrum Robertum le Bole Arnaldum de Mony Rectorem Ecclesie de Merhete Johannem de Mortone capellanum Dominam Margeriam uxorem Domini Hugonis Peverel Thomam Gybbecrake Walterum Chamberleyn Johannem Trescut Robertum Payn Robertum Tyrel Johannem de la Pole Salomon Basset Robertum Basset Willelmum du Boys de Halletone Radulphum de Dynham Baldewynum de Polgrim Johannem de Polgrim Johannem Bissop de Esse Ricardum Bissop Johannem Norman Ricardum Bloyou Willelmum de Wyntone Willelmum Coleford Walterum le Palmer Gilbertum Croft Johannem Crop Henricum Everard de Columptone Rogerum de la Forde Walterum le Long Willelmum de la Forde Adam de Porta Adam Hend Johannem Hend Radulphum Hend Johannem le Charetter de Taletone Gilbertum coqum Domini Hugonis Peverel Gilbertum Borham Matheum clericum de Halbertone Ricardum le Mintel Henricum le Porter Serlonem de Lanladrim Walterum Owe Wacemannum de Sanford Henricum Fret Johannem de Wellintone Ricardum Bastard Johannem de Punchadyn Willelmum de Taleford Johannem Lantrum Thomam Russel et alios quam plures eidem Ricardo in sui juris defensione et justicia assistentes non confessos non monitos nec per contumaciam absentes juris ordine non observato de facto quamquam de jure non possit Excommunicacionis Majoris Sentenciam promulgavit seu fecit temere promulgari Propter quod ad Sedem Apostolicam et pro tuicione Sedem Cantuariensem sepe dictus Ricardus nomine suo et sibi assistencium legitime ut asserit appellavit Unde prefato Episcopo prout justum fuerat per Curiam nostram Cantuariensem fuit inhibitum ne pendente hujusmodi Appellacionis tuitorio negocio in Curia Cantuariensi in dicti Ricardi et sibi adherencium prejudicium aliquid attemptaret seu procuraret fieri contra ipsos Idem tamen Episcopus ut asserit non obstante quod Causa super Excommunicacione prefata pendet in dicta Curia nostra Appellacionibus et Inhibicionibus Curie nostre Cantuariensis minus reverenter vili pensis Literas Capcionis in Curia Domini Regis ad dicti Ricardi et sibi assistencium corpora capienda dicitur temere procurasse licet illa Excommunicacionis Sentencia ob quam illos capi desiderat in nostra Curia judicialiter ventiletur inter ipsum Episcopum et Rectorem sibique adherentes antedictos Cum igitur hujusmodi Capcio procedere non debeat hujusmodi Appellacionis Causa in nostra pendente Curia indecisa in Sedis Apostolice et Curie nostre contemptum super quo ipsum Episcopum responsurum jam fecimus coram vobis ad judicium evocari vestram rogamus Discrecionem quatinus ob Sancte Romane et Cantuariensis Ecclesiarum reverenciam non permittatis hujusmodi procedere Capcionem ne idem Rector et ceteri sibi adherentes prenominati per Capcionem hujusmodi a prosecucione juris sui contra eundem Episcopum ipso Appellacionis pendente negocio indiscusso contra jus commune excludantur revocantes si placet quicquid in dictarum Sedium et nostre Jurisdiccionis prejudicium ad dicti Episcopi importunitatem seu instanciam contra dictum Rectorem et sibi adherentes prenominatos de Mandato Regis in hac parte fuerit demandatum Valete in Christo et Virgine Gloriosa Datum apud Mortelake vij Idus Novembris Anno Domini MCCLXXX sexto Ordinacionis nostre octavo