Charter Document - 03670037
| Charter Number: | 03670037 |
|---|---|
| Cartulary Title: | The Register of Bishop Quivel. |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1285 |
| Date type: | Internal, Calendar, Episcopal |
| Resource Link(s): |
|
Charter:
Petrus miseracione Divina Exoniensis Episcopus dilecto in Christo filio Domino Willelmo de Bodrugan salutem graciam et benediccionem Pro eo quod in cura quam vobis aliquando deputavimus tam circa personam Domini Walteri de Tremur Canonici Glasneyensis quam rerum suarum ordinacionem vos ita laudabiliter comperimus habuisse probitatem et diligenciam vestram merito duximus approbandam et commendandam hinc est quod vos eidem Waltero racione sue impotencie et valitudinis adverse coadjutorem et curatorem deputamus absolventes eciam vos ex nunc de omni compoto cujuscumque administracionis seu ordinacionis facte seu faciende in quibuscumque bonis seu rebus ejusdem Proviso quod dictus Walterus sibi et sufficienti familie sue ac racionabili sufficientem habeat exhibicionem ac sustentacionem et quod in omnibus in hac parte bona fides observetur In cujus rei testimonium Literas nostras vobis fieri fecimus Patentes Datum apud Chedeleghe pridie Idus Septembris Consecracionis nostre Anno Quinto