Charter Document - 03670036

Universis [] Petrus miseracione Divina Exoniensis Episcopus salutem in Domino sempiternam Noverit Universitas vestra quod nos ad presentacionem Religiosorum Virorum Prioris et Conventus de Mertonia qui Ecclesiam Sancti Kibii de Tregony una cum Ecclesia Sancti Jacobi ejusdem Ville dependente ex eadem cum suis juribus possessionibus ac aliis pertinenciis tenent in proprios usus Willelmum de Sancto Melano clericum ad Vicariam dicte Ecclesie liberam et vacantem admisimus intuitu caritatis ipsum Perpetuum Vicarium instituentes canonice in eadem et assignantes eidem et successoribus suis qui pro tempore fuerint nomine Vicarie ipsorum Religiosorum ad hoc accedente expresso consensu totum alti labium dictarum Ecclesiarum Sancti Jacobi et Sancti Kibii una cum tota terra Sanctuarii ad Ecclesias ipsas pertinente simulque cum domibus et aliis pertinenciis suis una eciam cum tota decima garbarum Ecclesie Sancti Jacobi predicte et tota decima tocius feni ejusdem Parochie salva dictis Priori et Conventui tota decima garbarum Ecclesie Sancti Kibii una cum horreis ibidem situalis et quadam pecia terre eisdem horreis adjacente que Nova Parca vocatur necnon omnibus aliis reditibus hominum tenencium suorum ibidem et omnibus juribus et pensionibus de Lesnewyt et de Sancto Austolo eisdem Religiosis ibidem debitis Ordinamus insuper quod dicti Religiosi Cancellum Libros et alia Ornamenta ad quorum reparacionem ipsi prius tenebantur suis sumptibus in statum debitum reparent et reficiant hujusmodi reparandi et reficiendi onere ex tunc impostorum incumbente Vicariis pro tempore successuris in Ecclesia supradicta Ordinamus eciam quod iidem Vicarii qui pro tempore fuerint omnia onera ordinaria eciam quocumque nomine censeantur supportent suis sumptibus et agnoscant volentes ut pro rata percepcionis fiat extraordinaria sub portacio hinc et inde Datum apud Chuddeleghe xiij Kalendas Decembris Anno Domini Millesimo CC octogesimo sexto