Charter Document - 03670035

Omnibus Sancte Matris Ecclesie filiis ad quos presentes Litere pervenerint Petrus miseracione Divina Exoniensis Ecclesie Minister humilis salutem in Domino sempiternam Ea que Locis piis et Personis Religiosis intuitu caritatis juste collata vel alio modo adquisita noscuntur firma debent stabilitate gaudere et ne malignantibus occasio tribuatur delinquendi nostre solicitudinis interest operam ac diligenciam adhibere Hinc est quod cum Religiosi Viri Prior et Conventus Mertonie Ecclesias Sanctorum Jacobi de Trigony et Sancti Kybi nostre Dioecesis cum omnibus ad ipsas spectantibus occasione cujusdam Permutacionis facte cum Abbate et Conventu de Valle in Dioecesi Baiocensi in Normannie canonice sint assecuti Dominus Walterus Exoniensis Ecclesie Episcopus Predecessor noster regimen et administracionem dictarum Ecclesiarum Sancti Jacobi de Trigoni et Sancti Kybi cuidam Canonico Congregacionis Mertoniensis alio Concanonico eidem associato liberaliter commisisset Nos zelum Religionis gerentes et bonum spirituale considerantes Domino Priori de Mertonia et suis successoribus eodem Canonicos seu alios ques ibidem duxerit seu duxerint transmittendos ad suum Monasterium revocandi alios eorum loco substituendi quociens sibi et Monasterio suo viderint expedire qui nobis et Successoribus nostris de Spiritualibus Priori vero de Mertonia et successoribus suis de Temporalibus et Ordinis observancia respondeant vel per Vicarium unum ydoneum per predictos Priorem et Conventum de Mertonia qui pro tempore fuerint nobis et Successoribus nostris presentandum cui porcio competens assignabitur et cura animarum per nos et Successores nostros committatur Ecclesias memoratas Sancti Jacobi de Trygoni et Sancti Kybi cum Religiosi de Mertonia supradicti hoc duxerint eligendum faciant deservire tenore Presencium liberam concedimus facultatem In testimonium premissorum has Literas sigillo nostro signatas eisdem Priori et Conventui Mertonie fieri fecimus Patentes Datum apud Horsleye vj Kalendas Maii Anno Domini MCC octogesimo secundo Consecracionis nostre secundo