Charter Document - 03670034
| Charter Number: | 03670034 |
|---|---|
| Cartulary Title: | The Register of Bishop Quivel. |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1283 |
| Date type: | Internal, A.D., Feast |
| Resource Link(s): |
|
Charter:
Omnibus Sancte Matris Ecclesie filiis [] Petrus [] salutem in Domino sempiternam Quoniam ex injuncto nobis Officio debitores sumus ut Ecclesiarum et ibi Deo famulancium possessiones tueri et augere loco et tempore studeamus eo nimirum intuitu Canonicorum nostrorum Exoniensium communam et victum substancialem ad honorem Dei et servicium Ecclesie nostre Exoniensis roborandum amplificare volentes concedimus confirmamus et appropriamus Ecclesie antedicte Decano et Capitulo nostro ibidem Ecclesiam de Thurvertone cujus ipsi veri Patroni esse dinoscuntur in proprios usus perpetuo possidendam Ita quod cedente vel decedente Domino Nicholao de Tottonia nunc Rectore ejusdem liceat dictis Decano et Capitulo possenionem prefate Ecclesie consensu nostro vel Successorum nostrorum super hoc non requisito libere et sine omni difficultate et contradiccione nostra vel Successorum nostrorum ingredi et eandem Ecclesiam cum omnibus pertinenciis sibi et successoribus suis habere et pacifice possidere inperpetuum Ita quod emolumentum inde dicto Capitulo proveniens in cotidianas distribuciones Canonicorum qui in majori refeccione eodem die in Civitate presentes fuerint convertatur prout processu temporis nos vel Successores nostri de assensu ipsius Capituli duxerimus ordinandum In cujus rei testimonium hoc presens Scriptum sigilli nostri munimine duximus roborandum Datum Exonie die Cynerum Anno Domini MCC octogesimo secundo