Charter Document - 03670033
| Charter Number: | 03670033 |
|---|---|
| Cartulary Title: | The Register of Bishop Quivel. |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1285 |
| Date type: | Assigned |
| Resource Link(s): |
|
Charter:
Viris Venerabilibus et discretis Dominis Thesaurario et Baronibus de Scaccario Petrus [] salutem [] Regias nuper Patentes recepimus inter cetera continentes quod nos arreragia Quinte Decime ipsi Domino nostro Regi dudum a Clero concesse in nostra Dioecesi levari et ad Scaccarium in Pasche Clauso deferri ipsiusque Collectores in hac instanti media Quadragesima Compotum in vestri presencia reddituros venire faceremus et quod nos nihilominus vos quicquid super hiis fecerimus seu facere proposuerimus per nostras Literas cerciorare curaremus Vestram igitur Magnitudinem cerci orandam dignum duximus per Presentes quod nos porcionem de arreragiis Quinte Decime quam jam paratam habemus et quicquid de ipsis arreragiis levare poterimus que jam per nos et nostros ex egerimus per censuram omnimodam pro viribus diligenter infra mensem post Pascha ad ipsum Scaccarium mitti procurabimus per clericos nostros per quos tam pro nobis quam pro Collectoribus ipsis qui nobis respondere immediacius astringuntur de quantitate ipsius Quinte Decime collecte et colligende vobis faciemus tunc temporis plenaria responderi Idem scribimus de Vicesima nostre Dioecesis Domino nostro predicto concessa quam pro Termino Sancti Martini jam preterito cum omni diligencia quam possumus levari fecimus et quicquid de ipsa colligi poterit ad mensem supradictum deferri faciemus sumptibus et periculo Domini Regis sicut Quintam Decimam supradictam Et quoniam sera Brevis Regii recepcio et ipsam pecuniam colligendi nimis festina maturitas cum majore seu citeriori diligencia Mandatum Regium nos implere non paciuntur in presenti vestram circumspectam discrecionem et prudenciam requirimus et rogamus quatinus in quibus tanta maturitate seu festinacione compulsi prout vellemus postulaciones regias exequi nequivimus et mandata nostram impotenciam habeatis si complicet excusatam Vestram [] Datum apud Exoniam v Kalendas Marcii