Charter Document - 03670029
| Charter Number: | 03670029 |
|---|---|
| Cartulary Title: | The Register of Bishop Quivel. |
| Charter Language: | Latin |
| Charter Origin: | Religious |
| Charter Type(s): | Taxation |
| Date: | 1284 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis presentes Literas inspecturis Petrus miseracione Divina Exoniensis Episcopus salutem in Domino sempiternam Cum super porcionibus Vicarie Ecclesie de Rattru nostre Dioecesis inter Religiosos Viros Abbatem et Conventum Sancti Donmelis ex parte una et Walterum dictum Knylebole Vicarium ejusdem Ecclesie de Rattru ex altera in nostra presencia mota esset materia questionis tandem de earumdem Parcium consensu expresso finem questioni hujusmodi imponentes dictam Vicariam ordinamus in hunc modum videlicet quod Ordinacione bone memorie Walteri Predecessoris nostri super dicta Vicaria facta amodo carente effectu et penitus in valitura existente prefatus Walterus et successores sui qui pro tempore fuerint habeant et percipiant nomine Vicarie totum alti agium Ecclesie predicte cum omnibus oblacionibus obvencionibus et proventibus suis quocumque nomine censeantur integraliter et sine diminucione quacumque una cum domibus et suis pertinenciis quas Vicarii qui pro tempore fuerint hactenus inhabitare consueverunt necnon cum tercia parte tocius Sanctuarii Ecclesie supradicte ac tercia parte decime garbarum tocius Parochie Ita tamen quod prefatus Walterus et successores sui qui pro tempore fuerint reddant et solvant annis singulis de bonis Vicarie predicte predictis Religiosis quinque marcas argenti ij solidos et x denarios ad Festum Pasce et ad Festum Sancti Michaelis proximo sequencia equis porcionibus sub pena perpetue privacionis ab ipsa Vicaria si in solucione dicte pecunie suis terminis facienda cessatum fuerit nullo obstante canonico impedimento salvo eciam eisdem Religiosis toto dominico eorum cum pertinenciis suis de quo idem Vicarii qui pro tempore fuerint nichil omnino percipient vel habebunt Volumus insuper et de ipearum expressa voluntate Parcium ordinamus quod dicti Religiosi pro duabus partibus et dictus Walterus et successores sui pro tercia parte omnia onera ejusdem Ecclesie sive sint ordinaria sive extraordinaria consueta aut insolita que tamen ad ipsos Parochianos non pertinent suis sumptibus sustineant et agnoscant In cujus rei testimonium sigillum nostrum una cum sigillis Parcium predictarum Presentibus est appensum Datum Exonie ix Kalendas Octobris Anno Domini MCC Octogesimo quarto et Consecracionis nostre quarto