Charter Document - 03670027
| Charter Number: | 03670027 |
|---|---|
| Cartulary Title: | The Register of Bishop Quivel. |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1281 |
| Date type: | Internal, A.D., Calendar |
| Resource Link(s): |
|
Charter:
Sanctissimo in Christo Patri et Domino Divina Providencia Sacrosancte Sedis Apostolice Summo Pontifici devotus Sanctitatis sue filius Petrus Exoniensis Episcopus devota pedum oscula beatorum cum debita obediencia pariter et devota Vestre Sanctitati innotescat per Presentes quod ego in Causa seu Causis seu negocio Appellacionum que vel quod vertitur seu vertuntur seu verti sperantur in Curia Romana inter Johannem dictum Pycot in Decanum ut dicitur Exoniensem electum et electores ejus Partem Appellatam ex parte una et me Partem Appellantem ex altera et in principali seu principalibus dilectos mihi in Christo Magistros Ricardum de Spina Bardum de Podiolonieii Matheum de Theatino clericos conjunctim et divisim ita quod non sit occupantis melior condicio set quod unus inceperit alius libere prosequatur Procuratores meos facio ordino et constituo dans eisdem et eorum cuilibet plenam potestatem et speciale Mandatum nomine meo agendi defendendi contra dictum Johannem et ipsius electores et Eleccionis sue formam crimina et defectus obiciendi et quequmque per ipsos Procuratores vel eorum aliquem nomine meo objecta fuerint in hac parte jurandi in animam meam me credere ea vera esse et posse probare appellandi Appellacionem innovandi et ipsam prosequendi status mei reformacionem in integrum restitucionem et expensas petendi et ipsas si adjudicate fuerint recipiendi et tam de calumpnia quam de veritate dicenda et quodlibet aliud genus liciti sacramenti in animam meam prestandi quociens opus erit alium seu alios Procuratores loco sui seu unius eorum substituendi et substitutum seu substitutos revocandi et officium Procuratoris re assumendi quociens ipsis seu uni ipsorum videbitur expedire Ratum habiturus et firmum quicquid dicti Procuratores vel duo seu unus eorum substitutus seu substituti ab ipsis vel ab aliquo eorum fecerint seu fecerit in premissis pro eisdem eciam Procuratoribus et substituendo seu substituendis ab ipsis seu aliquo ipsorum sub ypotheca rerum mearum judicatum solvi promitto Hoc idem adversariis meis quibuscumque et omnibus quorum interest specialiter noti fico per Presentes In quorum omnium fidem et testimonium sigillum meum Presentibus est appensum Datum apud Boxgrave vij Kalendas Augusti Anno Domini MCCLXXX primo