Charter Document - 03670026
| Charter Number: | 03670026 |
|---|---|
| Cartulary Title: | The Register of Bishop Quivel. |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1284 |
| Date type: | Internal, Calendar, Episcopal |
| Resource Link(s): |
|
Charter:
Petrus [] dilecto in Christo filio Roberto de Coctone Officiali Domini Archidiaconi Exoniensis salutem graciam et benediccionem Cum per malum regimen Gundini Rectoris Ecclesie de Plymptru nostre Dioecesis jura ejusdem Ecclesie et ipsius libertates depereant simulque bona sua nedum dilapidacioni sunt exposita set eciam que supersunt licet modica in malos usus convertuntur ut nostis nos de tua circumspeccionis prudencia plenam in Domino fidem gerentes et tanto periculo juxta Pastoralis sollicitudinem Officii quatenus nobis est possibile obviare volentes te Coadjutorem suum tenore Presencium deputamus curam et custodiam tam persone sue quam rerum suarum tibi totaliter committendo rogantes et nihilominus firmiter injungentes quatinus sic premissarum curam et custodiam gerere studeas ut propter merita beneficiorum a Deo premia condigna reportes et tuam merito diligenciam debeamus per operis evidenciam commendare Datum apud Clyst vj Kalendas Maii Consecracionis nostre anno quarto