Charter Document - 03670023
| Charter Number: | 03670023 |
|---|---|
| Cartulary Title: | The Register of Bishop Quivel. |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1284 |
| Date type: | Internal, Calendar, Regnal |
| Resource Link(s): |
|
Charter:
Universis Christi Fidelibus presens Scriptum visuris vel audituris Edmundus clare memorie Ricardi Regis Alemannie filius et Comes Cornubie salutem in Domino sempiternam Noverit Universitas vestra nos concessisse remisisse et pro nobis et heredibus nostris quietum clamasse Deo et Ecclesie Cathedrali Sancti Petri Exoniensi ac karissimo nobis in Christo Patri Domino Petro ejusdem Ecclesie Episcopo et Successoribus suis pro salute anime nostre et antecessorum nostrorum omnes terras et tenementa redditus et servicia omnium tenencium nostrorum que habuimus de dono et feofamento Martini de Hextaworthe in villis de Overehextaworthe et Nitherehextaworthe habenda et tenenda predictis Deo et Ecclesie Exoniensi et Domino Petro ejusdem Ecclesie Episcopo et Successoribus suis predicta terras et tenementa redditus et servicia cum suis pertinenciis omnibus et singulis in puram liberam et perpetuam elemosinam sine aliquo retene mento nostri vel heredum nostrorum quieta de nobis et heredibus nostris inperpetuum In cujus rei testimonium presenti Scripto sigillum nostrum fecimus apponi hiis Testibus Dominis Olivero de Dinham Roberto de Dinham Reginaldo de Boterelle Johanne de Bello Prato Radulfo Bloyou Militibus Willelmo de Moneketone tunc Senescallo nostro Cornubie Hamundo Parlebien clericis Hugone de Sancto Phileberto et aliis Datum apud Rostormel duodecimo die Maii Anno Regni Regis Edwardi Filii Regis Henrici duodecimo