Charter Document - 03670017

Universis Christi Fidelibus ad quorum noticiam hec Scriptura pervenerit Thomas de Bodham Venerabilis Patris Domini Exoniensis Episcopi et Robertus de Coktone discreti viri Domini Archidiaconi Exoniensis Officiales eternam salutem in Domino Universitati vestre notum fieri volumus per Presentes quod cum inter Dominum Adam Perpetuum Vicarium Ecclesie de Herpeforde actorem ex parte una et Religiosum Virum Ricardum dictum Jurdan Priorem de Otrytone Reverendum ex altera super augmentacione Vicarie de Herpforde exorta fuisset materia questionis et litis coram diversis Judicibus diucius agitata tandem Partes communi amicorum interveniente consilio de Vicaria predicta provide eligentes ac per formam Ordinacionis pocius quam litis decisione hujusmodi Porciones nostre Ordinacioni et Arbitrio super controversia et lite racionabiliter submiserunt prout in Literis earundem Parcium per modum cirographi confectis signaturisque ipsarum Parcium mutuo consignatis plenius notatur Ad [] instanciam ipsarum Parcium ac pro pace inter ipsas perpetuo conservanda hujusmodi Ordinacionis et Arbitrii onus in nos voluntarie assumentes ad locum de Herpeforde predictum accessimus personaliter certo die et super vero valore ipsius Ecclesie per viros fide dignos nostri Parti suspectos inspectis in ipsarum Parcium presencia Inquisicionem fecimus diligentem quapropter pensatis et ponderatis diligenter ejusdem Ecclesie facultatibus [] In Dei nomine Amen taliter arbitramur ordinamus pariter et diffinimus videlicet quod dictus Dominus Adam et sui successores perpetuo habeant nomine Vicarie sue de Herpford ad sustentacionem sui et cujusdam Capellani apud Fenotery continue celebrantis totum Sanctuarium tam apud Herpforde quam apud Fenotery una cum domibus gardinis et curtilagiis Sanctuarii apud Herpford habeant eciam alias obvenciones et proventus alti lagei utriusque Loci una cum decima fabarum pisarum et vesparum tocius Parochie decima garbarum dumtaxat exempta quam in usum ipsius Prioris et successorum suorum nomine Rectorie perpetuo cedere volumus et ordinamus Et quia predictas Porciones ad congruam sustentacionem ipsius Vicarii et sui Capellani nimis exiles et insufficientes esse conspicimus ordinamus pariter et arbitramur quod dictus Prior et sui successores solvant singulis annis in augmentacionem Vicarie predicte quatuor marcas sterlingorum ad quatuor Terminos Principales videlicet in Festis Sancti Michaelis Natalis Domini Pasche Sancti Johannis Baptiste per equales porciones vel ad ultimum infra Octavas predictorum Terminorum sub pena dupli cujus [] non servati plene et unam medietatem Vicario qui pro tempore fuerit alteram vero medietatem Fabrice Ecclesie Exoniensis ordinamus et volumus amplicari quocienscumque contigerit ipsum committi Et quia Vicarius qui emolumentis adplicatur [] est ut annexum onus agnoscat ordinamus quod dictus Vicarius et sui successores qui pro tempore fuerint predicte Parochiali Ecclesie de Herpford laudabiliter deserviant et devote ac Capelle de Fenotery per Capellanum ydoneum honeste faciant de serviri et nihilominus omnia onera ordinaria videlicet librorum vestimentorum Cancelli reparandi et reedificandi si necesse fuerit Procuracionis Loci Archidiaconi Cathedratici Synoditis et ceterorum omnium ordinariorum agnoscant dictus vero Prior et sui successores omnia dicte Ecclesie extraordinaria similiter agnoscant ita quod nec ipsi Religiosi [de] oneribus ordinariis nec dictus Vicarius seu sui successores de extraordinariis ullo tempore teneantur Premissa arbitramur diffinimus et ordinamus interpretandi et declarandi hanc nostram Ordinacionem si quid in ipsa dubium emerserit vel obscurum nobis potestatem plenarium reservantes In quorum omnium testimonium sigilla nostra Presentibus duximus apponenda Datum et Actum in Ecclesia Cathedrali Exoniensi xviij Kalendas Julii Anno Domini Millesimo ducentesimo octogesimo quarto