Charter Document - 03670011
| Charter Number: | 03670011 |
|---|---|
| Cartulary Title: | The Register of Bishop Quivel. |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1282 |
| Date type: | Internal, A.D., Feast |
| Resource Link(s): |
|
Charter:
Acta in Majori Ecclesia Exonienai die Veneris proxima post Festum Sancte Katerine Virginis Anno Domini Millesimo CC octogesimo secundo coram nobis Officiali Domini Exoniensis Episcopi in causa mota inter Johannem Perpetuum Vicarium Ecclesie de Doulysshe personaliter comparentem ex una parte et Dominum Clementem perpetuum firmarium de Doulysshe eodem modo comparentem ex altera videlicet quod cum constaret per tenorem retroactorum dictum Vicarium a predicto firmario decimas feni gardinorum pisorum et fabarum mortualia et legata pro decimis oblitis in libello petivisse et eidem firmario diem fuisse datum ad contestandum ad premissa Partes consensu Capituli Beati Petri Exoniensis interveniente de pace tractantes pacificate sunt in hunc modum scilicet quod idem Vicarius de cetero habeat decimam feni et pomorum in villis versus Orientem de Langedone in Parochia de Doulysshe herbam cimiterii de Doulysshe tercium denarium de legatis pro decimis oblitis indumenta virorum ac mulierum in dicta Parochia nomine mortuariorum et decedentibus proveniencia domos quas idem Vicarius inhabitat cum ortis pertinentibus ad easdem necnon domos de Coctone quas inhabitat Capellanus ibidem liberas ab omni redditu amodo retinebit una cum domibus de Teyngemue quas Capellanus ibidem inhabitat cum idem Vicarius eas poterit evincere Ita quod idem Vicarius nichil ultra super premissis vel decimis alicujus grani petere possit in Parochia memorata Et nos hiis auditis et intellectis in presencia Domini Alani de Baucombe Procuratoris dicti Capituli et quorumdam dicti Capituli Canonicorum ad Parcium earundem instanciam utramque Partem ad premissorum observanciam finaliter et diffinitive condemnamus