Charter Document - 03670008
| Charter Number: | 03670008 |
|---|---|
| Cartulary Title: | The Register of Bishop Quivel. |
| Charter Language: | Latin |
| Charter Origin: | Religious |
| Charter Type(s): | Receipt |
| Date: | 1285 |
| Date type: | Internal, A.D., Calendar |
| Resource Link(s): |
|
Charter:
Omnibus presentes Literas inspecturis Petrus miseracione Divina Exoniensis Episcopus et Capitulum Exoniense salutem in Domino sempiternam Noveritis quod nos septimo Kalendas Septembris Anno Domini MCC octogesimo quinto in Capitulo nostro recepimus a Nobili Muliere Domina Matilde de Clara Gloucestrie et Herefordie Comitissa per manus Domini Roberti de Rathingtone Militis Religiosi Viri Fratris Walteri de la More Monachi Ciaterciensis Ordinis et Gilberti de Wycombe presbiteri sexcentas marcas bonorum et legalium sterlingorum in deposito convertendas prout in Instrumento Puplico inter nos Petrum Exoniensem Episcopum et dictam Dominam Comitissam super hoc confecto plenius continetur in opus et utilitatem Abbathie de Lyghe Exoniensis Dioecesis salvo custodiendas et restituendas prefate Domine Comitisse et Abbatisse Abbathie predicte simul dicta Comitissa vivente post mortem vero ejusdem Comitisse Abbatisse predicte et ejusdem Loci Conventui tantum et non alii vel aliis sine mora et dilacione aliqua infra triduum postquam per dictas Comitissam et Abbatissam vel per earum alteram vel per legitimos attornatos ipsarum vel ipsarum alterius ad hoc legitime constitutos fuerimus requisiti quocienscumque et quandocumque nobis fides facta fuerit quod ad opus et utilitatem prefate Abbathie predictam Comitissam vel Abbatissam terra vel redditus fuerint comparati quicquid videbitur pro rata empcionis facte restituatur pecunia in toto vel in parte personis predictis ut superius est expressum volentes et expresse consencientes pro nobis et Seneschallis nostris qui pro tempore fuerint quos ad recepcionem custodiam et restitucionem dicte pecunie modo et condicionibus supradictis tenore Presencium nomine nostro deputamus quod si per incuriam maliciam vel negligenciam in restituenda dicta pecunia in toto vel in parte ut premittitur aliquid difficultatis emerserit pretextu cujus dicta Abbathia in empcionibus suis jacturam incurreret vel gravamen nos dampna et gravamina omnia proveniencia dicte Abbathie ex hac causa teneamur plenaria resarcire et hoc postquam super empcione terre vel redituum fides facta fuerit ut est dictum In cujus rei testimonium sigilla nostra Presentibus sunt appensa Data Exonie die loco et anno supradictis