Charter Document - 03670007
| Charter Number: | 03670007 |
|---|---|
| Cartulary Title: | The Register of Bishop Quivel. |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1280 - 1291 |
| Date type: | Assigned |
| Resource Link(s): |
|
Charter:
Serenissimo Domino suo [] Cum nuper ad denunciacionem nostram datum esset Vicecomiti Cornubie a vestre Majestatis imperio in preceptis ut ipse Henricum Canci parochianum nostrum propter suas contumacias pariter et offensas Majoris Excommunicacionis vinculo innodatum et eandem Excommunicacionis Sentenciam per quadraginta dies et amplius sustinentem animo indurato claves Ecclesie contempnendo justiciari faceret secundum Consuetudinem Regni vestri et formam Mandati super hoc sibi directi tandem post aliquantulam ipsius Henrici incarceracionem per aliud Breve vestrum recepta primitus ab eodem caucione juratoria de parendo Mandatis Ecclesie in forma juris juxta ejusdem Brevis exigenciam eundem Henricum a carcere hujusmodi fecimus liberari statuentes sibi certe diem et locum quibus compareret super premissis Mandatum Ecclesie recepturus et prout justum foret pariturus eidem verum adveniente termino supradicto cum crederetur quod idem Henricus quod juravit prout deberet legitime adimpleret ipse in vocem Appellacionis prorumpens Curiam Cantuariensem protinus appellavit in predicte Excommunicacionis Sentenciam dormitare ac reatum perjurii incurrere non formidans set postmodum comperta ipsius malicia eadem Curia ipsum ad examen nostrum decrevit illico remittendum Ne igitur sepe dictus Henricus sic contaminando et inficiendo Gregem Domini sibi et aliis perdicionis causa existat qui in profundum malorum veniens malediccionem Dei haurit ut aquam Majestati vestre supplicamus humiliter et devote quatinus ad tante presumpcionis et exempli perniciosi insolenciam compescendam tale tamque salubre placeat Dominacioni vestre apponere remedium in premissis per quod deposito fastus sui errore Deo et Ecclesie filius reddatur devotus ceterique addiscant consimilia minime presumere in futurum Conservet [] Datum []