Charter Document - 03670002
| Charter Number: | 03670002 |
|---|---|
| Cartulary Title: | The Register of Bishop Quivel. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1280 |
| Date type: | Internal, A.D., Feast |
| Resource Link(s): |
|
Charter:
Omnibus Christi Fidelibus ad quos presens Scriptum pervenerit Petrus miseracione Divina Exoniensis Episcopus salutem in Domino Noverit Universitas vestra nos vendidisse concessisse ac tradidisse Domine Alicie Bosel relicte Domini Radulphi de Tynten maritagium heredum predicti Domini Radulphi de Tynten quondam mariti sui ea tamen condicione quod nullus predictorum heredum dispargentur et custodiam terrarum quas de nobis tenuit ita scilicet quod si unus predictorum heredum moriatur non completa etate sua secundum Legem et Consuetudinem Regni Anglie alii qui proximo successerint in warda et custodia predicte Domine Alicie remaneant quousque unus eorum legitimam etatem compleverit pro centum libris novorum et legalium sterlingorum solvendis nobis vel certo attornato nostro Literas nostras Patentes deferenti in Majori Ecclesia Exoniensi infra Quintanam Pasche et Quintanam Nativitatis Beati Johannis Baptiste proximo sequentes equis porcionibus Anno gracie MCC octogesimo primo Quod quidem maritagium predictorum heredum et custodiam sicut predictum est pre[dicte] Domine Alicie et assignatis suis nos et Successores nostri contra omnes homines warantizare tenemur In [cujus] rei testimonium huic presenti Scripto sigillum nostrum apposuimus Datum apud Exoniam die Sabbati in Festo Sancti Petri in Cathedra Anno Gracie MCC octogesimo