Charter Document - 03661170
| Charter Number: | 03661170 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1202 |
| Date type: | Internal, Calendar, Episcopal |
| Resource Link(s): |
|
Charter:
Sciant omnes ad quos presens Scriptum pervenerit quod hec est Composicio facta inter Dominum Henrici Exoniensem Episcopum et Johel Priorem et Conventum de Plymptone super Ecclesia Sancti Gerendi videlicet quod idem Episcopus et Successores ejus Exonienses Episcopi post eum plenum jus habebunt inperpetuum conferendi cuicumque voluerint totam decimam dominii sui tam de frugibus quam de rebus aliis ad predictam Ecclesiam spectantibus et preterea medietatem decimarum omnium et obvencionum omnium Altaris ex Parochia proveniencium predicti vero Johel Prior et Conventus de Plimptone cum omni integritate percipiant alteram medietatem decimarum Parochie tam in decimis frugum quam rerum aliarum cum medietate omnium obvencionum Altaris in usus suos inperpetuum convertendam Dominus vero Episcopus et Successores ejus Capellanum invenient qui Ecclesie deserviat et Episcopis de onere Ecclesie respondeat Et idem Capellanus juratoriam prestabit caucionem dictis Priori et Conventui quod prenominatam Porcionem illorum quantum in eo est ad usus eorum fideliter custodiet et cum omni integritate eis persolvat Et ut hec Composicio rata permaneat inperpetuum tam sigillis ejusdem Henrici Episcopi et Capituli Exoniensis quam Prioris et Conventus Plymtonie utrobique est roborata Facta autem est hec Composicio apud Sanctum Germanum viij Idus Junii Pontificatus Henrici Exoniensis Episcopi Anno ix hiis Testibus Augero Priore Sancti Germani Magistro de Warwyke Magistro Hugone de Wyltone Canonicis Exoniensibus Roberto de Ilstintone Canonico Plymtonie Magistro W Pase Serlone Capellano Magistro Thome de Sottone Johaune de Gloucestria Gilberto clerico