Charter Document - 03661151
| Charter Number: | 03661151 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1250 |
| Date type: | Internal, Calendar, Papal |
| Resource Link(s): |
|
Charter:
Innocencius Episcopus servus servorum Dei dilectis filiis Abbati Premonstratensium et universis Abbatibus Prepositis et Fratribus Premonstratensium Ordinis salutem et Apostolicam benediccionem Paci et tranquillitati vestre ac Monasteriorum et Locorum vestrorum paterna volentes inposterum sollicitudine providere auctoritate vobis Presencium indulgemus ut nulle Litere Apostolice vel Legatorum Apostolice Sedis que contra vos vel Monasteria seu Loca vestra obtente fuerint aliquam optineant firmitatem nec earum auctoritate conveniri possitis nisi expressam de Premonstratensium Ordine et hac Indulgencia fecerint mencionem Nulli ergo omnino hominum liceat hanc Paginam nostre Concessionis infringere vel ei ausu temerario contraire Si quis autem hoc attemptare presumpserit indignacionem Omnipotentis Dei et Beatorum Petri et Pauli Apostolorum Ejus se noverit incursurum Datum Lungduni pridie Kalendas Junii Pontificatus Nostri Anno septimo