Charter Document - 03661102
| Charter Number: | 03661102 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1271 |
| Date type: | Internal, A.D., Feast |
| Resource Link(s): |
|
Charter:
Nos Walterus Dei gracia Exoniensis Episcopus negocii seu questionis et controversie antedicti qualitate diligenter examinata ponderata et intellecta de jure peritorum assidencium consilio ordinamus et ordinando statuimus et statuendo sentencialiter diffinimus et diffiniendo pronunciamus quod Vicarius qui dicte Ecclesie pro tempore prefuerit dictas decimas molendinorum et prati antedictorum integraliter recipiat et habeat in perpetuum et inde Capellanum jugiter in dicta Ecclesia in honorem Beate Virginis Marie Divina celebrantem pro Patronis Parochianis et aliis dicte Ecclesie Benefactoribus inveniat in posterum Loci Archidiacono cum opus fuerit presentandum ita quod Parochiani predicti ad sustentacionem ejusdem Capellani duas marcas sterlingorum ipsi Vicario solvant annuatim in Festis Pasce et Beati Michaelis equis porcionibus Et si Parochiani antedicti memoratas duas marcas non solverint aut solvere recusaverint Vicarii ab invencione dicti Capellani quieti existant et si Vicarius dicte Ecclesie pro tempore ministrans Capellanum invenire ut predictum est recusaverit vel per mensem Capellano ad dictum Officium deputato mortuo aut amoto alium presentare omiserit Parochiani ea vice ad idem Officium ydoneum Capellanum dicto Archidiacono presentent de dictis decimis molendinorum et prati antedictorum et duabus marcis a Parochianis terminis prescriptis solvendis sustentandum Actum et datum apud Clist Episcopi die Sabbati proxima post Festum Beati Hyllarii Episcopi et Confessoris Anno Domini MCC Septuagesimo