Charter Document - 03661073
| Charter Number: | 03661073 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1249 - 1267 |
| Date type: | Assigned |
| Resource Link(s): |
|
Charter:
Noscat presens etas sciatque futura posteritas quod ego Rogerus de Thoriz tunc Archidiaconus Exonie in bona mentis et corporis prosperitate constitutus inestimabilem fructum per Fratres Minores et Predicatores animarum saluti et subditorum nostrorum et aliorum correctioni insistentes jugiter et Deo Creatori nostro continue famulantes in Ecclesia Dei provenientem considerans caritative dedi concessi et presentis Scripture mee testimonio confirmavi Communitati Fratrum Minorum in Civitate Exonie presentibus et futuris temporibus commorantium usum librorum subscriptorum salvo Predicatoribus Civitatis ejusdem ipsorum librorum usu per partes et ad tempus cum indiguerint dum tamen ydonee comode et absque impedimento notabili seu manifesto id fieri poterit dominio eorundem librorum michi dum vixero omni tempore reservato et me decedente predictorum librorum ad Decanum Majoris Ecclesie Exoniensis qui pro tempore fuerit et ad Capitulum transeat immediate ita tamen quod non liceat ulli viventi dictos libros vendere donare impignorare vel quoquo modo alienare vel etiam ad alios usus convertere Et sunt hii libri de quorum usu supra fit mentio scilicet Primum Volumen Penta truci item Primum Volumen Historialium item Primum Volumen Prophetarum item Matheus et Marcus in uno Volumine item Quinque Libri Salomonis in uno Volumine item Actus Apostolorum et Canonice [Epistole] cum Apocalipsi in uno Volumine item Primum Volumen Originalium Augustini item Tertium Volumen Summe Fratris Alexandri super Sententias in quo est Tertius Liber et magna pars Quarti Sententiarum item Summa Magistri Willelmi de Aucerre item Magne Concordantia Predicatorum in uno Volumine item Postille super omnes Libros Historiales preter Librum Machabeorum in uno Volumine item Postille super Psalterium in diversis locis secundum Fratrem Hugonem Cardinalem cum thematibus per totum annum et cum questionibus Philippi Cancellarii Parisiensis que sic incipiunt Vadam in agrum in uno Volumine item Distinctiones Philippi Cancellarii Parisiensis super Psalterium cum Summa Sermonum subtilium que incipit Quasi diluculum item Psalterium Bononiense glosatum Quicumque hane donationem qualitercumque immutare presumpserit in futurum Dei Omnipotentis maledictionem incurrat