Charter Document - 03661070
| Charter Number: | 03661070 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1276 |
| Date type: | Internal, A.D., Calendar |
| Resource Link(s): |
|
Charter:
Universis [] Johannes Decanus [] Noverit Universitas vestra quod nos utilitate et honestate Ecclesie nostre Exoniensis pensatis et inspectis accedente ad hoc Venerabilis Patris Domini Walteri Exoniensis Episcopi et discreti viri Magistri Johannis Precentoris Exoniensis consensu legitimo concessimus Elye de Cyrencestria tunc Magistri Thome de la Knolle Vicario domum Scolarum Cantus cum Succentor in Ecclesie nostre Exoniensis cum omnimoda emolumenti ipsius percepcione et oneris agnicione suo perpetuo possidendam sub hac forma videlicet quod propter hanc nostram concessionem communem dictus Elyas constitui faciat sumptibus suis quandam domum competentem sufficientem et honestam ad opus Succentor et puerorum Chori nostri et ad predictam Scolam Cantus in loco prius deputato tenendam Volumus insuper quod dicta domus cum omnibus pertinenciis suis et cum Succentor dicto Elye suo perpetuo remaneat et post obitum dicti Elye omnibus successoribus suis qui pro tempore Succentor et Vicarii dicti Precentoris et successorum suorum extiterint et pueris Chori nostri quieta remanebit et libera inperpetuum dicti Elye et Succentor futuris temporibus sibi succedencium sumptibus sustinenda Hoc adhibito moderamine quod dictus Precentor et successores sui post ipsum de ydoneo viro et honesto sibi provideant ad Succentor et regimen earundem Scolarum eundemque nobis presentent in dicto officio preficiendum In cujus [] Datum Exonie quarto Nonas Aprilis Anno Gracie MCCLXX sexto