Charter Document - 03661060
| Charter Number: | 03661060 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1275 |
| Date type: | Internal, Calendar, Papal |
| Resource Link(s): |
|
Charter:
Gregorius Episcopus servus servorum Dei Venerabilibus Fratribus Exonie et Wintonie Episcopis salutem et Apostolicam benediccionem Sua nobis dilecti filii Capitulum Cathedralis Ecclesie Sancti Patricii Dublinensis peticione monstrarunt quod nuper Decanatu Ecclesie predicte vacante iidem Capitulum ad quos Eleccio Decani in ipsa Ecclesia pertinere dinoscitur dilectum filium Magistrum Johannem de Sanfordia ipsius Ecclesie Canonicum in Decanum ejusdem Ecclesie canonice et concorditer elegerunt Verum cum Sedes Dublinensis Pastore ad quem hujusmodi Eleccionis confirmacio pertinet vacare dicatur ad presens fuit ex parte dicti Capituli nobis humiliter supplicatum nt Eleccionem ipsam confirmari de benignitate Apostolica mandaremus Nos itaque ipsorum supplicacionibus inclinati Fraternitati vestre per Apostolica Scripta mandamus quatinus inquisita de modo Eleccionis predicte studiis eligencium et Electi meritis diligencius veritate predictam Eleccionem si eam inveneritis de persona ydonea canonice celebratam auctoritate nostra confirmare curetis alioquin ea rite cassata faciatis prefato Decanatu de persona ydonea per Eleccionem Canonicam provideri contradictores per censuram Ecclesiasticam appellacione postposita compescendo non obstante si aliquibus a Sede Apostolica sit indultum quod interdici suspendi vel excommunicari non possint per Literas Apostolicas que de indulto hujusmodi plenam et expressam non fecerint mencionem Nolumus autem quod per Commissionem hujusmodi auctoritate Presencium vobis factam Capitulo Ecclesie Sancte Trinitatis Dublinensis super eo quod Ecclesiam suam Cathedralem esse proponunt aliquid prejudicium generetur Datum Lugduni vij Idus Januarii Pontificatus nostri Anno tercio