Charter Document - 03661051
| Charter Number: | 03661051 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1203 |
| Date type: | Internal, A.D., Episcopal, Feast |
| Resource Link(s): |
|
Charter:
Omnibus Sancte Matris [] Ricardus Dei gracia [] eternam in Domino salutem Cum semper pium sit et salubre humane condicionis imperfeccioni et impotencie studio pietatis subvenire tunc maxime precipue devocionis meritum pie completur et laudabiliter cum juste decedencium voluntati utilitati et necessitati prudenti providetur industria inde est quod ad Universitatis vestre noticiam tenore Presencium volumus pervenire quod nos de unanimi consensu et assensu dilectorum filiorum Decani et Capituli Exoniensis Ecclesie Divine pietatis intuitu liberaliter concedimus et tenore Presencium confirmamus et deinceps decernimus inviolabiliter observari scilicet quod quilibet Canonicus Ecclesie Criditonensis in extremis agens ad suplementum testamenti sui et ad relevacionem fructuum unius anni qui debentur ex antiqua Ordinacione singulis Canonicis fabrice predicte Ecclesie sive in vita sive in morte omnium bonorum Prebende sue proximi anni post decessum cujuslibet Canonici liberam in omnibus habeat disposicionem ita quod illa bona quibus et in quos usus pios voluerit integre poterit assignare Et ut hee nostra concessio et confirmacio inperpetuum robur firmitatis obtineat presentem paginam sigilli nostri munimine una cum apposicione sigillorum Decani et Capituli predicti facimus roborari Datum Exonie Anno Domini MCC tercio in Festo Nativitatis Dominice et Consecracionis nostre nono