Charter Document - 03660195
| Charter Number: | 03660195 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1264 |
| Date type: | Internal, Episcopal, Feast |
| Resource Link(s): |
|
Charter:
Walterus miseracione Divina Exoniensis Episcopus dilecto filio Magistro Roberto Everarde Officiali nostro salutem graciam et benediccionem Cum Sanctorum Patrum vestigiis inherere Officii nostri debitum nos invitet et in Londoniensi Consilio novissimis temporibus celebrato salubriter sit statutum ne cuiquam Executorum permittatur disponere seu administrare de bonis Testatoris nisi prius de omnibus ipsius defuncti bonis fideliter concipiatur inventarium et Loci Ordinario presentetur item probato Testamento coram Ordinario ncn permittatur Execucio seu Administracio in bonis defunctorum nisi talibus qui competentem Administracionis sue cum super hoc canonice fuerint requisiti reddere possint racionem et ydoneos se exhibeant conquerentibus responsales saltim conveniendi facultate robis mandamus in virtute obediencie firmiter injungentes quatinus Executoribus Testamenti bone memorie Thome nuper Archidiaconi Tottonie omnem ipsius defuncti bonorum Administracionem interdicatis quousque de faccione Testamenti vobis constiterit et de omnibus ejus bonis fideliter factum fuerit inventarium sigillis Executorum roboratum vobisque fuerit solempniter ostensum item quousque de reddendo Administracionis sue racionem cum super hoc fuerint requisiti et respondendo conquerentibus sufficientem prestiterint in Scriptis securitatem Qualiter Mandatum nostrum fueritis executi per Literas vestras Patentes nos reddatis cerciores securitates super premissis faciendas salvo custodientes bona ipsius defuncti quousque ea que superius sunt expressa debitum sorciantur effectum sequestro nostro ai opus fuerit supponendo Hanc autem formam in Testamentis aliorum auctoritate Concilii volumus et mandamus observari Datum apud Horsleghe die Lune post Conversionem Sancti Pauli Consecracionis nostre Anno Sexto