Charter Document - 03660190
| Charter Number: | 03660190 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1260 |
| Date type: | Internal, A.D., Calendar |
| Resource Link(s): |
|
Charter:
Walterus Exoniensis Episcopus [] Noverit Universitas vestra quod cum inter dilectos filios Magistrum Robertum Euerard Rectorem et Ricardum de Syreburne presbiterum qui se gerebat pro Vicario Ecclesie de Uplym nostre Dioecesis super Vicaria ejusdem Ecclesie orta esset materia contencionis tandem predictis Magistro Roberto et Ricardo se et totum jus quod habebant seu habere se dicebant in ipsa Vicaria et fructibus et proventibus ejusdem nostro penitus arbitrio supponentibus se et totum jus suum predictum in premissis voluntati et Ordinacioni nostre sponte simpliciter et pure submittentes prout in Literis ipsorum super hoc confectis continetur juramento nihilominus hinc inde corporaliter prestito promittentes se super eisdem Ordinacionem nostram accepturos et in omnibus et per omnia fideliter observaturos nos itaque communicato virorum prudencium consilio super prefata Vicaria et fructibus ac proventibus ejusdem Deum habentes per oculis ordinamus in hunc modum videlicet quod eadem Vicaria et omnes sui fructus ac proventus accrescant Personatum Ecclesie memorate ipsamque Vicariam et fructus ac proventus suos eidem Personatum con solidamus inperpetuum ita sane quod dictus Magister Robertus et successores sui qui pro tempore fuerint dicto Ricardo quinque marcas sterlingorum de bonis prefate Ecclesie nomine Simplicis Beneficii in Majori Ecclesia Exoniensi per manus Sub thesaurarii ejusdem Ecclesie solvant annuatim ad duos anni Terminos scilicet ad Pascha duas marcas et dimidiam et ad Festum Sancti Michaelis duas marcas et dimidiam quoad vixerit vel donec eidem in Beneficio Ecclesiastico fuerit uberiori provisum Si vero dictus Magister Robertus seu successores sui memorato Ricardo dictas quinque marcas annuas Terminis prenotatis infra octo dies postquam legitime ab eodem Ricardo super hoc fuerint requisiti plene non solverint liceat ipsi Ricardo non obstantibus submissione seu juramento supradictis libere ingredi Porciones quas prius habuit in Ecclesia antedicta Datum apud Lodres viij Kalendas Februarii anno domini MCCL nono