Charter Document - 03660188
| Charter Number: | 03660188 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Election |
| Date: | 1278 |
| Date type: | Internal, A.D., Calendar |
| Resource Link(s): |
|
Charter:
Walterus Dei gracia Exoniensis Episcopus dilectis filiis Priori et Conventui de Mertone Wyntoniensis Dioecesis salutem in Domino sempiternam Cum vos olim accedente nostro Decani et Capituli nostri Exoniensis ac Venerabilis Patris Domini Baiocensis Episcopi Decani et Capituli ejusdem Loci consensu et assensu legitimo bona spiritualia et temporalia tunc Prioratus vestri de Kaynes Baiocensis Dioecesis cum Religiosis Viris Abbate et Conventu de Valle Beate Marie in Normannie ejusdem Dioecesis super ejusdem Abbatis et Conventus Prioratu de Tregony et bonis spiritualibus et temporalibus universis ex eodem Prioratu dependentibus de utriusque Loci Patronorum voluntate servata juris qua convenit sollempnitate duxeritis sub certa forma permutanda sicuti in Literis inde confectis et in publicam formam redactis plenius continetur vos regimen et administracionem dicti Prioratus de Tregony nostro commisistis arbitrio liberaliter quem per aliqua temporum curricula utiliter ordinavimus prout expedire credimus secundum Deum Cum igitur Religionis zelum gerentes nobis humiliter duxeritis supplicandum quod prefatum Locum de Tregony cum omnibus ad ipsum pertinentibus sub Regula Beati Augustini sicuti antiquitus fieri consuevit informandum vobis concedere dignaremur nos Religionis honestate pensata justis peticionibus vestris inclinati de consensu et assensu Capituli nostri supradicti concedimus facultatem ut unum virum Ecclesiasticum vestre Congregacionis Canonicum nomen Prioris gerentem nobis presentetis Confratre Concanonico per vos eidem associato quem duxeritis eligendum sub Beati Augustini Regula militandum ita videlicet quod indemnitate nostra servata dictus Prior et sui successores nobis et nostris Successoribus de cetero presententur et Obedienciam prestent manualem vobis eciam et vestris successoribus ab eisdem et eorum successoribus obediencia canonica regularis discipline reservata necnon et potestate eosdem Privres cum vobis videritis expedire nostro tamen et Successorum nostrorum consensu et assensu concurrente ad vestrum Monasterium revocandi et alios ut premittitur eorum loco presentandi bonis que omnibus ad dictum Prioratum de Tregony spectantibus dictus Prior et ejus successores tantum sint contenti nec aliquid de ceteris bonis vestris in dicta Dioecesi Exoniensi existentibus sibi vendicent seu vestro et successorum vestrorum consensu irrequisito occupare presumant ac ejusdem Loci bona in eodem utiliter expendant In cujus rei testimonium Presentibus sigillum nostrum una cum sigillo Capituli nostri apponi fecimus Datum Londoniis iiij Kalendas Junii anno domini MCCLXXVIIJ