Charter Document - 03660185
| Charter Number: | 03660185 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1260 |
| Date type: | Internal, Calendar, Episcopal |
| Resource Link(s): |
|
Charter:
Universis [] Walterus [] Orta dudum inter dilectos filios Nicholaum Priorem et Conventum ex parte una et Walterum Perpetuum Vicarium Ecclesie Tottonie ex altera super Porcionibus Vicarie predicte materia questionis tandem filio pacis interveniente Partibus ipeis in presentia nostra constitutis promittentibusque ac jurantibus sacramento in Verbo Dei corporaliter prestito stare Ordinacioni nostre et se subponentibus voluntati nostre in omnibus nos quiete tranquillitate et utilitate Parcium predictarum consideratis cujuslibet contencionis tollende causa inter Partes easdem taliter ordinamus videlicet quod predictus Walterus ipsius Ecclesie sicut prius Vicarius existat et ipsi Ecclesie et Parochianis ejusdem honeste et honorico in omnibus serviciis ad Vicariam Ecclesie predicte spectantibus deserviat Et pro omnibus obvencionibus et proventibus quos de Ecclesia Beate Marie Priore et Conventu predictis nomine Vicarie percipere consuevit et quos suo perpetuo eisdem Priori et Conventui remisit et quietos clamavit de predictis Priore et Conventu per manum ejusdem Prioris vel ejus assignati in predicta Ecclesia beate Marie decem marcas sterlingorum percipiat annuatim quas predictos Priorem et Conventum ei solvere et reddere teneri volumus Terminis infra scriptis scilicet infra Quintanam Resurreccionis Dominice v marcas et infra Quintanam Festi Sancti Michaelis mense Septembri v marcas Item habeat idem Vicarius consuetas obvenciones racione Confessionum provenientes et unum Denarium Missalem tantum quolibet die quo aliquid oblacionis usque ad unum denarium vel amplius evenerit Habeat quoque idem Vicarius quicquid sibi ex Testamentis deficiencium racione Parochie sue legatum sibi fuerit sine qualibet diminucione salvis legatis ad Matricem Ecclesiam spectantibus Omnes vero obvenciones alias et proventus ipsius Ecclesie undecumque provenientes dicti Prior et Conventus absque omni impedimento contradiccione et reclamacione predicti Vicarii et suorum cum integritate percipiant annuatim Et ne presens nostra Ordinacio in recidive contencionis scrupulum relabatur ordinamus statuimus et Partibus ipsis sub debito prestiti sacramenti precipimus ut Ordinacionem nostram diligenter et fideliter attendant et observent et nullatenus contraveniunt sub pena xl solidorum quam tociens commissam intelligi et nobis solvi volumus a Parte contra hanc nostram Ordinacionem veniente quociens contra eam expresse fuerit attemptatum seu eam non observari contigerit In cujus rei testimonium presentibus Literis penes utramque Partem divisim remanentibus sigillum nostrum apponi fecimus Datum apud Peynctone iij Kalendus Februarii Consecracionis nostre Anno secundo