Charter Document - 03660181

Universis presentes Literas inspecturis Walterus miseracione Divina Exoniensis Episcopus salutem in Domino Noveritis quod cum Abbas et Conventus Tavistokie legitime essent citati quod coram nobis comparerent in crastino Sancti Georgii in Ecclesia de Peltone ostensuri quo jure Ecclesias Parochiales de Tavistoke Lambertone Mideltone Brintetorre Albedesham Nordpydrewyn et de Hatherleghe ac Capellam de Monchocmentone et quasdam pensiones annuas quas de Ecclesiis de Burnintone Wlfrintone Defnebery et de Aunttone necnon et annuas decimas quas in Parochiis de Sevieche et de Rame percipiant et in usus suos teneant appropriatas et quicquid juris super hoc habeant proposituri et iidem Abbas et Conventus ad eundem diem minime comparuerint set contumaciter se absentaverunt et fructus et proventus dictarum Ecclesiarum Capelle pensionum et decimarum consumentes dilapidaverunt et nos propter predictas contumaciam et dilapidacionem fructus et proventus earundem Ecclesiarum Capelle pensionum et decimarum tam ordinaria potestate quam delegata freti sequestravimus in manus nostras et sub Sequestro nostro retineri decreverimus quousque Mandatis Ecclesie pareant reverenter Nos tocius predicti Sequestri Custodiam dilecto filio nostro Roberto Rectori Ecclesie de Monkochmentone commisimus et committimus eidem injungentes ut totum dictum Sequestrum per se vel per alium vel alios quem vel quos ad hoc duxerit deputandum vel deputandos salvo custodiat seu custodiri faciat contradictores et rebelles per censuram Ecclesiasticam compescendo Nos autem Sentencias Excommunicacionis vel Suspensionis in contumaces vel rebelles ab eodem Rectore latas auctoritate nostra vel ferendas faciemus inviolabiliter observari Datum apud Tautone die Veneris in Vigilia Sancti Marci Evangeliste anno domini MCCLX quinto