Charter Document - 03660180
| Charter Number: | 03660180 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Election |
| Date: | 1260 |
| Date type: | Internal, A.D., Feast |
| Resource Link(s): |
|
Charter:
Serenissimo et Reverendo Domino Henrico Dei gracia illustri Regi Anglie Domino Hybernie et Duci Aquitanie Walterus Ejusdem miseracione Exoniensis Episcopus salutem in Eo Qui dat salutem Regibus et post triumphum coronam Excellencie vestre tenore Presencium notum facimus quod vacante Abbatia Tavistochie nostre Dioecesis et potestate providendi Monasterio Loci predicti de ydoneo Pastore propter vicium in forma Eleccionis inventum ad nos secundum Statuta Canonum devoluta nos ipsius Monasterii statum attendentes de dilecto filio Aluredo ejusdem Monasterii Priore licet minus sollempniter electo viro utique sicut pro certo didicimus provido et discreto ac in temporalibus et spiritualibus circumspecto auctoritate Pontificali eidem Monasterio de gracia speciali duximus providendum Serenitati vestre supplicantes quatinus quod vestrum est in hac parte quo ad administracionem temporalium vestra circa eum exequi dignetur Celsitudo Datum in Vigilia Nativitatis Sancte Marie apud Lawittetone anno domini MCCLX