Charter Document - 03660178
| Charter Number: | 03660178 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Renunciation |
| Date: | 1271 |
| Date type: | Internal, A.D., Feast |
| Resource Link(s): |
|
Charter:
Omnibus Christi Fidelibus Walterus miseracione Divina Exoniensis Episcopus salutem in Domino Quia nos pro nobis et discretis viris Decano et Capitulo nostro ac pro Domino Johanne Viger Milite Magistro Rogero dicto Barrat et W Gordet clerico et pro quocumque alio vel aliis cujus vel quorum interest vel interesse poterit omnem injuriam vel injuriarum accionem nobis conjunctim vel divisim competentem vel competituram racione Sentenciarum Excommunicacionis Suspensionis et Interdicti in nos ut dicitur per Precentorem Winchecumbe auctoritate Summi Pontificis de facto promulgatarum et occasione procuracionis eorundem per Magistrum Rogerum de Campedene facte ut asseritur eisdem Precentori et Magistro Rogerum et Abbati et Conventui Monasterii Wynchecumbe ex nunc remiserimus ac liti eorundem Sentenciarum pretextu adversus eosdem mote et movende renunciaverimus bona fide tenore Presencium profitemur providentes ac promittentes quantum in nobis est quod pretextu premissorum contra predictos nulla questio ab aliquo de cetero moveatur In cujus rei testimonium presenti Scripto sigillum nostrum duximus apponendum Actum et Datum Londoniis Die Dominica proxima post Festum Sancti Barnabe Apostoli Anno Domini MCC Septuagesimo primo