Charter Document - 03660177
| Charter Number: | 03660177 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Restitution |
| Date: | 1271 |
| Date type: | Internal, A.D., Feast |
| Resource Link(s): |
|
Charter:
Universis presentes Literas inspecturis Walterus miseracione Divina Exoniensis Episcopus salutem in Domino sempiternam Noveritis quod cum Religiosi Viri Prior et Conventus de Tanrigge ad instanciam et peticionem nostram in sex marcis annue Pensionis Magistro Rogero de Campedene quousque per predictos Priorem et Conventum seu alium quemcumque pro eis in decem marcis sine cura vel viginti marcis cum cura eidem Magistro Rogero provisum fuerit ad exoneracionem nostram et Ecclesie nostre se obligaverint nos indemnitati predictorum Prioris et Conventus ex certa sciencia precavere volentes promittimus bona fide ipsos Religiosos quantum ad predictam Obligacionem contra predictum Magistrum Rogerum et quoscumque alios indemnes conservare nos ad predictas sex marcas annuatim persolvendas per octo dies ante Festum Sancti Johannis Baptiste de Camera nostra eisdem Priori et Conventui quousque de predicta Obligacione ex toto fuerint absoluti de anno ad annum tenore Presencium obligantes testando seu codicilli ando ordinantes in hac parte quod si humanitus de nobis contigerit ante plenarium deliberacionem seu exoneracionem predictorum Religiosorum Testamenti nostri principalis Executores de bonis nostris ante omnem aliam Testamenti nostri administracionem predictis Priori et Conventui satisfaciant competenter In cujus rei testimonium et fidem plenarium adhibendam Presentibus Literis sigillum nostrum duximus apponendum Datum Londoniis die Lune proxima post Festum supradictum Anno Domini MCC Septuagesimo primo