Charter Document - 03660175
| Charter Number: | 03660175 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1269 |
| Date type: | Internal, A.D., Episcopal, Feast |
| Resource Link(s): |
|
Charter:
Universis presentes Literas inspecturis Walterus miseracione Divina Exoniensis Episcopus salutem in Domino sempiternam Ad Universitatis vestre noticiam tenore Presencium volumus pervenire quod cum Vicaria de Staverton tanto tempore vacaverit quod ipsius Collacio secundum Statuta Concilii Laternensis ad nos extitit devoluta dilecto in Christo filio Waltero de Teingemue presbitero concedimus et conferimus intuitu caritatis et ipsum in eadem Ecclesia canonice Perpetuum Vicarium instituimus assignantes sibi et successoribus suis post ipsum nomine Vicarie totum alta legium ipsius Ecclesie cum mortuariis unacum decimis pomorum feni et molendinorum necnon cum Sanctuario toto et domibus ad dictam Vicariam spectantibus et cum terris illis que ad dictos Decanum et Capitulum pertinent que olim in viginti et quinque solidis dicto Decano et Capitulum annuatim in Scaccario suo solebant esse sensuale videlicet unum pratum vocatum Pollismeede et le Moore unum clausum vocatum le Lee continens per estimacionem quatuor terre acras et unum clausum vocatum Maylond continens per estimacionem quatuor terre acras salvis predictis Decano et Capitulo suisque successoribus omnibus majoribus decimis totius Parochie predicte Et quicumque pro tempore Vicarius fuerit in eadem sustinebit omnia onera debita et consueta que omnia per nostram Taxacionem et Ordinacionem decrevimus futuris temporibus inviolabiliter observari In cujus rei testimonium presentibus Literis sigillum nostrum duximus apponendum Datum apud Aishpertone die Lune proxima post Festum Exaltacionis Sancte Crucis Anno Domini Millesimo ducentesimo sexagesimo nono et nostre Consecracionis Anno duodecimo