Charter Document - 03660174
| Charter Number: | 03660174 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Absolution |
| Date: | 1259 |
| Date type: | Internal, Calendar, Episcopal |
| Resource Link(s): |
|
Charter:
Universis [] Walterus miseracione [] Cum dilectus filius Magister Ricardus de Sancto Gorono de Lintone de Toritone et de Auetone Ecclesiarum Rector Literas Dispensacionis Domini Innocencii Pape iiij sub dato Lugduni v Kalendas Maii Pontificis ejusdem Anno vij obtentu Venerabilis Patris Domini Willelmi Bathoniensis et Wellensis Episcopi impetratas exhibet coram nobis nec credere possimus eundem Magistrum sub obtentu tanti Domini pecuniam propter hoc exsolvisse cum in hoc conscienciam suam canonice pignorare offerret cum effectu nos eum quoad illum Articulum absolvimus et absolutum pronunciamus volentes ad ipeius Magistri curam exonerandam quod in Ecclesia de Toritone competens ordinetur Vicaria et quod idem Magister Ecclesiam suam Vicarium non habentem cum de perigrinacione sua redierit curet et visitet ut tenetur In ceteris vero Articulis quos ei exposuimus in nostro Registro contentis nostram et suam infra annum purgabit conscienciam alioquin ex tunc in hiis ordinabimus prout anime sue et nostre saluti videbimus expedire Dispensacionem quoque Legati Ottonis super ipsius Magistri Natalium defectu impetratam quam inspeximus bonam et legitimam esse pronunciamus et pronunciando declaramus In cujus rei testimonium presentes Literas eidem Magistro duximus concedendas Datum Exonie iiij Kalendas Decembris Consecracionis nostre Anno secundo