Charter Document - 03660168
| Charter Number: | 03660168 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1258 - 1280 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus de Estpeminela dedi concessi et hac presenti Carta mea confirmavi Venerabili Patri Domino Waltero Dei gracia Exoniensi Episcopo et suis Successoribus Episcopis Exoniensibus quatuordecim acras terre mee in Estpeminela in Manerio de Sancto Germano in escambium tante terre de terra dicti Patris in eadem Villa tenendam et habendam eidem Patri ac Domino Domino Waltero et Successoribus suis Episcopis Exoniensibus totam predictam terram cum omnibus suis pertinenciis in escambium tante terre in eadem Villa in perpetuum Quas quidem quatuordecim acras terre cum omnibus suis pertinenciis dicto Patri ac Domino Domino Waltero et Successoribus suis Episcopis Exoniensibus ego dictus Robertus et heredes mei warantizabimus inperpetuum Pro hoc autem escambio terrarum cum predicto Patre Domino Waltero habendo concessi eidem Patri ac Domino Domino Waltero et Successoribus suis Exoniensibus Episcopis duodecim denarios annui redditus de omnibus terris et tenementis meis in eadem Villa percipiendos ad Festum Invencionis Sancte Crucis et ad Festum Omnium Sanctorum equis porcionibus ultra redditum et servicia eidem Patri de terris et tenementis meis antea debita et consueta In cujus rei testimonium huic presenti Carte sigillum meum apposui hiis Testibus Rogero de Trethyneke Stephano Crabba de Suttone Rogero Chamond Willelmo de Leydocke Adam de Bake et aliis